♣☺မေတ္တာရိပ်☺♣: ၁၀ - သေရီသက၀ိမာန၀တ္ထု

၁၂၂၈။ အရှင်ဘုရားတို့ နာတော်မူကြပါကုန်၊ အကြင်သဲကန္တာရခရီး၌ (လမ်းမှားပြီးသွားသော) ထိုအခါဝယ် နတ်သားနှင့် ကုန်သည်တို့ ပေါင်းဆုံမိခြင်း ဖြစ်ခဲ့ပါ၏၊ ထိုနတ်သားနှင့် ကုန်သည်တို့ အပြန်အလှန် ကောင်းစွာပြောဆိုအပ်သော ထိုစကားကိုလည်း ပြောဆိုသည့်အတိုင်း အားလုံးသော အရှင်ဘုရားတို့ နာတော်မူကြပါကုန်။

၁၂၂၉။ အရှင်ဘုရားတို့ အကြင်ပါယာသိရာဇညမင်းသည် ဘုမ္မစိုးနတ်တို့ အသင်းဝင်၏ အပေါင်းအဖော်အဖြစ်သို့ ရောက်၏၊ ကျော်စောခြင်း ရှိပါ၏၊ နတ်ဖြစ်နေသော ထိုပါယာသိရာဇညသည် မိမိဗိမာန်၌ ၀မ်းမြောက်သည်ဖြစ်၍ လူတို့ကို ပြောဆိုပါ၏။

၁၂၃၀။ (တောသို့ ၀င်ကုန်သော လူတို့ အသက်ရှင်ပါကုန်အံ့လော၊ သေရကုန်အံ့လော) ဟု တွေးတောယုံမှားရာဖြစ်၍ မြေဘုတ်ဘီလူး အစရှိသည်တို့၏ သွားလာရာ ဖြစ်သော ရေမရှိသော အစာမရှိသော ကူးမြောက်ရန် အလွန်ခက်ခဲသော သဲကန္တာရ အလယ်၌ တွေးတောယုံမှားမူတို့ကြောင့် ကြောက်လန့်၍ စိတ်နှလုံးပျက်ကုန်သော အိုလူများတို့ ...

၁၂၃၁။ ဤသဲကန္တာရ၌ သစ်သီးတို့သည်၎င်း၊ အမြစ်အဥတို့သည်၎င်း မရှိကုန်၊ ဤသဲကန္တာရ၌ မီးလောင်စာထင်းမျှသော်လည်း မရှိ၊ ကျယ်ဝန်း ပူလောင် ကြမ်းထမ်းကုန်သော မြေမူန့်တို့နှင့် သဲတို့မှတပါး လူတို့စားရန် အစာအဘယ်မှာ ရှိမည်နည်း။

၁၂၃၂။ ကျတ်တီးပြင် ကုန်းခေါင်ခေါင်ဖြစ်၍ သံအိုးကင်းပူကဲ့သို့ ချစ်ချစ်တောက် ပူလောင်သော ချမ်းသာမူ မရှိခြင်းကြောင့် အသက်ကို ဖျက်ဆီးတတ်သော ငရဲနှင့်လည်း တူသော ဤသဲကန္တာရအရပ်သည် ကြမ်းကြုတ်ကုန်သော မြေဘုတ်ဘီလူးအစရှိသည်တို့၏ နေရာဟောင်း ဖြစ်၏၊ မြေအရပ်သည် (ဤသို့ ခေါင်းပါးစေ ကြမ်းသော အခြင်းအရာရှိစေ) ဟု ရှေးက ရသေ့တို့ ကျိန်ဆဲထားသည်နှင့် တူ၏။

၁၂၃၃။ ထိုသို့ ဖြစ်လျက် သင်တို့သည် အဘယ်အကြောင်းကြောင့် အဘယ်ကို တောင့်တကုန်၍ ဤအရပ်သို့ ၀င်လာကြကုန်သနည်း၊ အဆောတလျင် (အကျိုးအပြစ်ကို) မစူးမစမ်းပဲ ၀င်လာကုန်သလော၊ လောဘကြောင့်သော်လည်း ၀င်လာကုန်သလော၊ ဘေးရန်ကြောင့်သော်လည်း ၀င်လာကုန်သလော၊ သို့မဟုတ် လမ်းမှား၍သော်လည်း ၀င်လာကုန်သလော (ဟု နတ်သားက ကုန်သည်များကို မေး၏)။

၁၂၃၄။ မဂဓတိုင်း အင်္ဂတိုင်းတို့၌ နေကုန်သော လှည်းကုန်သည် ဖြစ်ကြသော ထို အကျွန်ုပ်တို့သည် ဥစ္စာကို အလိုရှိကုန်သည်ဖြစ်၍ အမြတ်ကို တောင့်တကုန်လျက် များစွာသော ဘဏ္ဍာကို (လှည်းထက်၌ တင်ကုန်၍) သိန္ဓုအရပ် သောဝိရအရပ်သို့ သွားကြပါကုန်၏။

၁၂၃၅။ နေ့အခါ၌ ရေမွတ်သိပ်ခြင်းကို သည်းမခံနိုင်ကုန်သည်ဖြစ်၍ နွားအစရှိကုန်သော သတ္တ၀ါတို့အား ချီးမြှောက် ထောက်ပံ့မူကိုလည်း ကောင်းစွာ ရူဆင်ခြင်ကုန်လျက် အခါမဟုတ်သော ညဉ့်၌ ခရီးသွားကုန်သော အကျွန်ုပ်တို့ အားလုံးသည် ဤသို့သော အဟုန်ဖြင့် သွားကြပါကုန်၏။

၁၂၃၆။ ခရီးလမ်းမှားကို သွားကုန်၍ ချွတ်လွဲသော ခရီးရှိကုန်သောကြောင့် သူကန်းကဲ့သို့ နှောက်ယှက်ကုန်သည်ဖြစ်၍ (ခရီးမှားသဖြင့်) စိတ်ပျက်ကုန်သော ထိုအကျွန်ုပ်တို့သည် တော၌ ထွက်မြောက်ရန် အလွန်ခဲယဉ်းသော သဲကန္တာရ ခရီးအလယ်တွင် ပြင်းစွာတွေဝေသော စိတ်ရှိကုန်သည်ဖြစ်၍ သွားရမည့်အရပ်ကို မသိနိုင်ကြပါကုန်။

၁၂၃၇။ နတ်သား ရှေးက မမြင်ဘူးသော ဤဗိမာန်မြတ်ကို၎င်း၊ သင်နတ်သားကို၎င်း၊ မြင်ရခြင်းကြောင့် ရှေးကထက်အလွန် အသက်ကို တောင့်တကြပါကုန်၏၊ (သင့်ကို) မြင်ရခြင်းကြောင့် ရွှင်လန်းကြပါကုန်၏၊ ၀မ်းသာကြပါကုန်၏၊ တက်ကြွကြပါကုန်၏ (ဟု ကုန်သည်များက ပြောဆို၏)။

၁၂၃၈။ (ကုန်သည်တို့) သင်တို့သည် ဥစ္စာစည်းစိမ်ဟူသော အကြောင်းကြောင့် သမုဒ္ဒရာ၏ ကမ်းတဖက်သို့၎င်း၊ ဤသဲကန္တာရခရီးခဲသို့၎င်း၊ ကြိမ်နွယ်တို့ဖြင့်ဖွဲ့၍ သွားအပ်သော ခရီးသို့၎င်း၊ သစ်ငုတ်တံသင်းတို့ကို နုတ်၍ သွားအပ်သော ခရီးသို့၎င်း၊ ထိုမှတပါး မြစ်တို့သို့၎င်း၊ တောင်တို့၏ မညီမညွတ်သော အရိပ်တို့သို့၎င်း ဤများစွာသော အရပ်မျက်နှာတို့ကို သွားကြရကုန်၏။

၁၂၃၉။ (ကုန်သည်တို့) သင်တို့သည် တပါးသော မင်းတို့၏ နိုင်ငံသို့ ၀င်ကုန်၍ တိုင်းတပါးသားတို့ကို ကြည့်ရူလျက် (သွားကြကုန်၏။) ဤသို့သော နည်းဖြင့် (ရောက်ပေါက်ကုန်သော) သင်တို့ ကြားဘူးမြင်ဘူးသော အံ့သြဖွယ်ကို သင်တို့ထံမှ ကြားနာလိုပါကုန်၏ (ဟု နတ်သားက ပြောဆို၏)။

၁၂၄၀။ နတ်သား ဤသင့်ဗိမာန်နှင့် သင်နတ်သားထက် အထူးသဖြင့် အံ့သြချီးမွမ်းဖွယ်ကို အကျွန်ုပ်တို့ ကြားလည်း မကြားစဘူး၊ မြင်လည်း မမြင်စဘူးပါ၊ လူတို့၏ အဆင်းပုံစံကို လွန်သော ပြည့်စုံသော အဆင်းရှိသသော (သင်နတ်သားနှင့် တကွ) အလုံးစုံသော (ဗိမာန်စသော စည်းစိမ်) ကို မြင်ကြရကုန်၍ မရောင့်ရဲနိုင်ကြပါကုန်။

၁၂၄၁။ များသော ပန်းရှိကုန်သော များသော ကြာပုဏ္ဍရိတ်ရှိကုန်သော ရေကန်တို့သည် ကောင်းကင်ပြင်ဝယ် စီးသွားကုန်၏၊ သင်၏ ဤသစ်ပင်တို့သည်လည်း အခါခပ်သိမ်း အသီးနှင့် ပြည့်စုံကုန်သည်ဖြစ်၍ မွှေးကြိုင်သော ရနံ့တို့သည် အလွန်လျှင် ပျံ့လိူင်ကုန်၏။

၁၂၄၂။ အတောင်တရာ မြင့်ကုန်သော ကြောင်မျက်ရွဲတိုင်တို့၎င်း၊ အမြှောင့်ရှည်ကုန်သော ကျောက်တိုင်သန္တာတိုင်တို့၎င်း၊ ပတ္တမြားနီနှင့်တကွ ပတ္တမြားပြောက်တိုင်တို့၎င်း၊ ဇောတိရသ ကျောက်မျက်ရတနာဖြင့် ပြီးသော တိုင်တို့၎င်း ဤတိုင်တို့သည် (ရှိကြကုန်၏)။

၁၂၄၃။ ထိုတိုင်တို့၏ အထက်၌ သီတိုင်တထောင် တည်ရှိသော မနိူင်းယှဉ်အပ်သော အာနုဘော်လည်းရှိသော ရတနာအမျိုးမျိုးတို့နှင့် ယှဉ်၍ ရွှေပွတ်တိုင်တို့ဖြင့် ၀န်းရံအပ်သော အမျိုးမျိုးသော ရတနာတို့ဖြင့်ပြီးသော အမိုးတို့ဖြင့် ကောင်းစွာမိုးအပ်သော သင်၏ ဤဗိမာန်သည် ကောင်းလှပါပေ၏။

၁၂၄၄။ သင်၏ ဤဗိမာန်သည် ဦးသစ်သော ဇမ္ဗူရာဇ် ရွှေစင်ကဲ့သို့ ထွက်သော အရောင်အလျှံ ရှိ၏၊ ထိုဗိမာန်၏ ထိုထိုအစိတ်အပိုင်းသည် အလွန်ပြေပြစ် ချောမောလှ၏၊ ပြသာဒ်ဆောင် စောင်းတန်း လှေခါး တံကဲမှီပျဉ်တို့နှင့်လည်း ပြည့်စုံပေ၏၊ မြဲမြံခိုင်ခံ့လှ၏၊ အဆင်းလည်း အလွန်လှ၏၊ ကောင်းစွာ စုပေါင်းထားသော အစိတ်အပိုင်းလည်း ရှိ၏၊ အလွန်လျှင် ရူချင်ဖွယ် ကောင်း၏၊ စိတ်နှစ်သက်ဖွယ်လည်း ရှိ၏။

၁၂၄၅။ ရတနာဗိမာန်၏ အတွင်း၌ များစွာသော ထမင်းအဖျော် ရှိ၏၊ (သင်သည်) နတ်သမီးအပေါင်း ခြံရံကာ မုရိုးစည် အာလမ္ဗရစည်နှင့် အခြားတူရိယာတို့၏ အသံတို့ဖြင့် ခြိမ့်ခြိမ့်ညံလျက် ချီးမွမ်းခြင်း (ထုတိမင်္ဂလာမျိုး) ဖြင့် ချီးကျူခံထိုက်သူ ဖြစ်ပါပေ၏။

၁၂၄၆။ မကြံစည်နိုင်သော အာနုဘော်ရှိ၍ ဂုဏ်အားလုံးတို့နှင့် ပြည့်စုံသော ထိုသင်သည် နဠိနီမည်သော ကစားရာ ဌာန၌ ဝေဿ၀ဏ်နတ်မင်းကြီးကဲ့သို့ နတ်သမီး အပေါင်းသည် နိူးအပ်သည်ဖြစ်၍ နှလုံးမွေ့လျော်ဖွယ်ရှိသော ဗိမာန်ပြာသာဒ်မြတ်၌ မွေ့လျော်ရပါပေ၏။

၁၂၄၇။ နတ်သား သင်သည် စတုမဟာရာဇ် နတ်ဖြစ်လေသလော၊ သို့မဟုတ် ပူဇော်အပ်သော နတ်ပင် ဖြစ်လေသလော၊ သို့မဟုတ် နတ်တို့၏ အရှင် သိကြားမင်း ဖြစ်လေသလော၊ လူပင် ဖြစ်လေသလော၊ လှည်းကုန်သည်တို့သည် သင့်ကို မေးပါကုန်၏၊ အကျွန်ုပ်တို့အား ဖြေကြားပါလော့၊ သင်အဘယ်သူ ဖြစ်ပါသနည်း၊ ပူဇော်အပ်သော နတ်ပင်ဖြစ်လေသလော (ဟု ကုန်သည်များက မေး၏)။

၁၂၄၈။ ကုန်သည်တို့ ငါသည် သဲကန္တာရ၌ စောင့်ရှောက်သော ကန္တာရခရီးစောင့် သေရိသကအမည်ရှိသော နတ်ပါတည်း၊ ငါသည် ဝေဿ၀ဏ်နတ်မင်းကြီး၏ စကားကို လိုက်နာရသည်ဖြစ်၍ ဤသဲကန္တာရအရပ်ကို စောင့်ရှောက်ရပါ၏ (ဟု နတ်သားက ဖြေ၏)။

၁၂၄၉။ နတ်သား သင်သည် (ဤဗိမာန်ကို) အကြောင်း မရှိပဲ အလိုလို ရအပ်လေသလော၊ သင်၏ စိတ်ညွတ်မူကြောင့် ဖြစ်လေသလော မိမိကိုယ်တိုင် ပြုလုပ်ထားသလော၊ သို့မဟုတ် နတ်တို့က ပေးပါသလော၊ လှည်းကုန်သည်တို့သည် သင့်ကို မေးပါကုန်၏၊ သင်သည် နှစ်သက်ဖွယ်သော ဤဗိမာန်ကို အဘယ်အကြောင်းကြောင့် ရအပ်သနည်း (ဟု ကုန်သည်များက မေး၏)။

၁၂၅၀။ ကုန်သည်တို့ ငါသည် (ဤဗိမာန်ကို) အကြောင်း မရှိပဲ အလိုလို ရအပ်သည်လည်း မဟုတ်၊ ငါ၏ စိတ်ညွတ်မူကြောင့် ဖြစ်သည်လည်း မဟဟုတ်၊ ငါသည် မိမိကိုယ်တိုင် ပြုလုပ်ထားသည်လည်း မဟုတ်၊ နတ်တို့က ပေးအပ်သည်လည်း မဟုတ်၊ မယုတ်မာသော မိမိဥစ္စာဖြစ်သော ကောင်းမူကံတို့ကြောင့် နှစ်သက်ဖွယ်ရှိသော ဤဗိမာန်ကို ငါရ၏ (ဟု နတ်သားက ဖြေ၏)။

၁၂၅၁။ နတ်သား သင်၏ ဆောက်တည်သော အကျင့်သည် အဘယ်ပါနည်း၊ မြတ်သော အကျင့်သည် အဘယ်ပါနည်း၊ နတ်သား ဤအကျိုးသည် အဘယ်သို့သော အလေ့အကျင့် ကောင်း၏ အကျိုးပါနည်း၊ လှည်းကုန်သည်တို့သည် သင့်ကို မေးပါကုန်၏၊

၁၂၅၂။ ကုန်သည်တို့ ငါသည် ကောသလတိုင်းသူတို့၏ မင်းအဖြစ်ကို ပြုခဲ့စဉ်အခါက ပါယာသိရာဇညဟူသော အမည်ရှိခဲ့၏၊ အလှူပေးခြင်း၏ အကျိုးသည် မရှိ အယူရှိခဲ့ဘူး၏၊ နှမြော စေးနှဲ ၀န်တိုခဲ့ဘူး၏၊ ယုတ်မာသော အကျင့်လည်း ရှိခဲ့ဘူး၏၊ (သတ္တ၀ါသည် သေသည်မှနောက် ပြတ်၏၊ တမလွန်လောက၌ မဖြစ်ဟူသော ဥစ္ဆေဒဒိဋ္ဌိ) အယူရှိခဲ့ဘူး၏။

၁၂၅၃။ ထိုစဉ်အခါက အကြားအမြင်များ၍ တရားစကားကို ဆန်းကြယ်စွာ ပြောဟောတတ်သော မြင့်မြတ်သော ကုမာရကဿပအမည်ရှိသော ရဟန်းသည်လည်း ရှိခဲ့၏၊ ထိုရဟန်းသည် ငါ့အား တရားစကားကို ပြောခဲ့၏၊ ငါ၏ မှားသော အယူတည်းဟူသော ငြောင့်တန်သင်းတို့ကို ပယ်နုတ်တော်မူခဲ့၏။

၁၂၅၄။ ကုန်သည်တို့ ငါသည် ထိုရဟန်း၏ ထိုတရားစကားကို ကြားနာရ၍ ဥပါသကာ၏ အဖြစ်ကို လျှောက်ကြားခဲ့ဘူး၏၊ သူ့ အသက်ကို သတ်ခြင်းမှ ရှောင်ကြဉ်ခဲ့၏၊ လောက၌ မပေးသည်ကို ခိုးယူခြင်းမှ ရှောင်ကြဉ်ခဲ့၏၊ သေအရက် မသောက်မစားခဲ့ဘူးပေ၊ မဟုတ်မမှန်သော စကားကိုလည်း မပြောဆိုခဲ့ပေ၊ မိမိမယားဖြင့်သာ ရောင့်ရဲခဲ့ဘူး၏။

၁၂၅၅။ ကုန်သည်တို့ ငါဆောက်တည်၍ ကျင့်သော အကျင့်သည် ထိုဆိုအပ်ခဲ့ပြီးသော အကျင့်ပင်တည်း၊ မြတ်သော အကျင့်သည်လည်း ထိုအကျင့်ပင်တည်း၊ ဤအကျိုးသည် ထိုဆိုအပ်ခဲ့ပြီးသော ကောင်းသော အလေ့အကျင့်၏ အကျိုးတည်း၊ ငါသည် ထိုမယုတ်မာသော ကောင်းမူ ကိုသိုလ်ကံတို့ကြောင့်သာလျှင် ဤဗိမာန်ကို ငါရ၏ (ဟု နတ်သားက ပြောဆို၏)။

၁၂၅၆။ ပညာရှိကုန်သောလူတို့သည် မုန်သောစကားကို ပြောဆိုကုန်သတတ်၊ ပညာရှိကုန်သော သူတို့၏ စကားသည် ဖောက်ပြန်ခြင်း မရှိ၊ ကောင်းမူရှိသော သူသည် အကြင် အကြင်အရပ်သို့ ရောက်အံ့၊ ထိုထိုအရပ်၌ လိုတိုင်းရလျက် မွေ့လျော် စံပျော်ရ၏။

၁၂၅၇။ အကြင် အကြင် အရပ်၌ စိုးရိမ်ပူပန်မူ ငိုကြွေး မြည်တမ်းရမူသည်၎င်း၊ သတ်ဖြတ် ညှဉ်းဆဲမူသည်၎င်း၊ နှောင်ဖွဲ့မူသည်၎င်း၊ ဆိုခဲ့ပြီးသောအကျိုးမဲ့ ဘေးရန်ဖြစ်ခြင်းသည်၎င်း အကြင် အကြင် အရပ်၌ ရှိ၏၊ မကောင်းမူ ကံရှိသော သူသည် ထိုထို အရပ်သို့ ရောက်တတ်၏၊ မကောင်းသော လားရာ “ဒုဂ္ဂတိဘ၀” မှ တခါတရံမျှ မလွန်နိုင် (ဟု ကုန်သည်များက ပြောဆို၏)။

၁၂၅၈။ နတ်သား နတ်အပေါင်းသည် အချင်းခပ်သိမ်း တွေဝေသော သဘောရှိသကဲ့သို့ ဖြစ်၏၊ ဤအခိုက်အတန့် ခဏ၌ပင် ညွန်နစ်ရေကဲ့သို့ နောက်ကျုခြင်း သဘောရှိ၏၊ နတ်သား အဘယ် အကြောင်းကြောင့် သင်၏ ခြွေရံပရိသတ်ဖြစ်သော ဤနတ်အပေါင်းနှင့် သင်နတ်သားအား နှလုံးမသာယာမူ ဖြစ်ရလေသနည်း (ဟု ကုန်သည်များက မေးမြန်း၏)။

၁၂၅၉။ ကုန်သည်တို့ နတ်၌ ဖြစ်ကုန်သော မွှေးကြိုင်ကုန်သော ဤရနံ့တို့သည် ကုက္ကိုတောမှ ထက်ဝန်းကျင် ပျံ့လှိုင်ကုန်၏၊ ထိုအနံ့လိူင်သာ ကုက္ကိုပန်းတို့သည် နေ့၌၎င်း၊ ညဉ့်၌၎င်း အမိုက်မှောင်ကို ပယ်ဖျောက်ကုန်လျက် ဤဗိမာန်ကို ထက်ဝန်ျးကင်မှ ပျံ့လိူင် စေကုန်၏။

၁၂၆၀-၁။ ကုန်သည်တို့ ဤကုက္ကိုပင်တို့၏ အသီးသည် အနှစ်တရာမှ တခုစီ (ရင့်ရော်လျက်) ကြွေကျ၏၊ လူ၏ဖြစ်သော အနှစ်တရာ လွန်သွားပြီ၊ ငါသည် ဤ စတုမဟာရာဇ်နတ်ပြည်၌ အကြင်အခါမှစ၍ ဖြစ်၏၊ ထိုအခါမှစ၍ ငါသည် နတ်၌ ဖြစ်သော အနှစ်ငါးရာတို့ပတ်လုံး ဤဗိမာန်၌ တည်ပြီးလျှင် အသက်အပိုင်းအခြား ကုန်ခြင်းကြောင့်၎င်း၊ ကုသိုလ်ကံကုန်ခြင်းကြောင့်၎င်း သေရတော့လတ္တံ့ဟု မြင်၍ ထို သေရမည်ကို အကြောင်းပြု၍ဖြစ်သော စိုးရိမ်မူ သောကကြောင့် မိန်းမော တွေဝေရ၏ (ဟု နတ်သားက ပြောဆို၏)။

၁၂၆၂။ နတ်သား အကြင်သူတို့သည်ကားအနည်းငယ် တိုတောင်းစွာ ဖြစ်ရကုန်၏၊ ဘုန်းကံနည်းကုန်သော ထိုသူတို့သည်သာလျှင် စိုးရိမ်ကုန်ရာသည် မဟုတ်လော၊ မနိူင်းယှဉ်အပ်သော ဗိမာန်ကို ရ၍ ကြာမြင့်စွာသော ကာလပတ်လုံး နတ်စည်းစိမ်ကို ခံစားလျက်တည်နေသော ထိုသို့ သဘောရှိသော သင်သည် အဘယ် အကြောင်းကြောင့် စိုးရိမ်ရပါသနည်း (ဟု ကုန်သည်များက ဆို၏)။

၁၂၆၃။ ကုန်သည်တို့ သင်တို့သည် ငါ့ကို အကြင် ချစ်မြတ်နိုးဖွယ် စကားကို ဆိုကုန်၏၊ ထိုစကားသည်လည်း ငါ့အား လျောက်ပတ်ပါပေ၏၊ ငါသည်လည်း သင်တို့ကို စောင့်ရှောက်ခဲ့ပြီ၊ သင်တို့ အလိုရှိရာ အရပ်သို့ ချမ်းသာစွာ သွားကြကုန်လော (ဟု နတ်သားက ပြောဆို၏)။

၁၂၆၄။ နတ်သား အကျွန်ုပ်တို့သည် ဥစ္စာကို အလိုရှိကုန်သည်ဖြစ်၍ အမြတ်ကို တောင့်တကုန်လျက် သိန္ဓုအရပ် သောဝိရအရပ်သို့ သွားကြပြီးလျှင် ၀န်ခံသည်အားလျော်စွာ လုံ့လရှိကုန်လျက် စွန့်ကြဲမူနှင့် ပြည့်စုံကုန်သည်ဖြစ်၍ ကြီးမြတ်သော သေရိသက နတ်ပူဇော်ပွဲသဘင်ကို ပြုကြပါကုန်အံ့ (ဟု ကုန်သည်များက ဆို၏)။

၁၂၆၅။ ကုန်သည်တို့ သင်တို့သည် သေရိသက နတ်သားအား ပူဇော်ခြင်းကို မပြုကြကုန်လင့်၊ သင်တို့သည် အကြင် စကားကို ဆိုကုန်၏၊ ထိုပြောဆိုသမျှ စကား အားလုံးသည် သင်တို့ဆိုတိုင်း ဖြစ်လတ္တံ့၊ သင်တို့သည် ယုတ်ညံ့ကုန်သော မကောင်းမူကံတို့ကို ကြဉ်ရှောင်ကြကုန်လော့၊ ဒါနစသော ကုသိုလ်တရား အားထုတ်ခြင်းကိုလည်း ဆောက်တည် ကျင့်သုံးကြကုန်လော့။

၁၂၆၆။ ကုန်သည်တို့ ဤလူအပေါင်းတွင် များသော အကြားအမြင်လည်း ရှိသော သီလအကျင့်တို့နှင့်လည်း ပြည့်စုံသော ယုံကြည်မူ “သဒ္ဓါ” လည်းရှိသော စွန့်ကြဲမူ “စာဂ” လည်းရှိသော သီလကို အလွန်ချစ်မြတ်နိုးသော ထိုထိုကိစ္စကို ပြုခြင်း၌ လိမ်မာသော ရောင့်ရဲလွယ်သော ပစ္စုပ္ပန် တမလွန် နှစ်တန်သော အစီးအပွါးကိုလည်း သိတတ်သော ဥပါသကာသည် ရှိ၏။

၁၂၆၇။ ကုန်သည်တို့ ဥပါသကာသည် သိလျက် မဟုတ် မမှန်သောစကားကို မပြောဆို၊ သူတပါးကို သတ်ဖြတ်ညှဉ်းဆဲခြင်းငှါ မကြံစည်၊ ကွဲပြားကြောင်းဖြစ်သော ကုန်းစကားကို မပြောဆို၊ သိမ်မွေ့၍ ပြပြစ်သော စကားကို ပြောဆို၏။

၁၂၆၈။ ကုန်သည်တို့ ရိုသေခြင်း တုပ်ဝပ်ခြင်းနှင့် တကွဖြစ်၍ ဆုံးမအပ်ပြီးသော ကိုယ်နူတ်နှလုံးရှိသော ယုတ်မာသော အကျင့်မရှိသော ဓိသီလသိက္ခာ၌ အထူးသဖြင့် စင်ကြယ်သော ထိုဥပါသကာသည် စင်ကြယ်သော အသက်မွေးခြင်းရှိသည်ဖြစ်၍ အမိကို၎င်း၊ အဖကို၎င်း တရားသဖြင့် လုပ်ကျွေး မွေးမြူ၏။

၁၂၆၉။ ကုန်သည်တို့ ထိုဥပါသကာသည် အမိအဖတို့၏ အကြောင်းကြောင့် စည်းစိမ်ဥစ္စာတို့ကို ရှာမှီး၏၊ မိမိဟူသော အကြောင်းကြောင့် ရှာမှီးသည် မဟုတ်၊ နိဗ္ဗာန်သို့ စိတ်ညွတ်သော ထိုဥပါသကာသည် အမိအဖတို့ သေလွန်သည်ရှိသော် မြတ်သောအကျင့်ကို ကျင့်လတ္တံ့။

၁၂၇၀။ ကုန်သည်တို့ မကောက်ကျစ် မစဉ်းလဲ မလှည့်ပတ်မူ၍ ဖြောင့်မတ်သော ထိုဥပါသကာသည် ပရိယာယ် ကြံဆသဖြင့်သော်လည်း မပြောဆို၊ ကောင်းစွာ ပြုအပ်သော ကုသိုလ်ကံကို ပြုလေ့ရှိ၍ တရား၌တည်သော ထိုသို့ သဘောရှိသော ဥပါသကာသည် အသို့လျှင် ဆင်းရဲကို ရရာအံ့နည်း။

၁၂၇၁။ ကုန်သည်တို့ ထိုဥပါသကာဟူသော အကြောင်းကြောင့် ငါသည် သင်တို့အား ကိုယ်ထင်ရှားပြ၏၊ ထို့ကြောင့် သင်တို့သည် တရားကို ရူကြကုန်လော့၊ သင်တို့သည် ထိုဥပါသကာ မပါမူ၍ (လာကြကုန်မူ) ဤသဲကန္တာရ၌ သူကန်းသကဲ့သို့ နှောက်ယှက်သော စိတ်ရှိကုန်သည်ဖြစ်၍ ခရီးမှားသဖြင့် စိတ်ပျက်ကုန်လျက် သဲကန္တာရ၌ဖြစ်သော ဘေးရန် နှိပ်စက်ခြင်ဖြင့်၎င်း၊ တပါးသော ဘေးရန် နှိပ်စက်ခြင်းဖြင့်၎င်း တောအရပ်ဝယ် ပြာအဖြစ်သို့ လျင်မြတ်စွာ ရောက်ကုန်ရာ၏၊ သူတော်ကောင်းနှင့် ပေါင်းဖော်ရခြင်းသည် စင်စစ် ချမ်းသာ၏ ( ဟု နတ်သားက ဆို၏)။

၁၂၇၂။ နတ်သား သင်သည် အကြင် ဥပါသကာကို ချီးမြှောက်ခြင်းငှါ ဤသဲကန္တာရခရီးသို့ ရောက်လာ၏၊ ထိုဥပါသကာသည် အဘယ်သူပါနည်း၊ အဘယ် အမူကို ပြုလုပ်ပါသနည်း၊ အဘယ်အမည် ရှိပါသနည်း၊ ထိုဥပါသကာ၏ အနွယ်သည် အဘယ်ပါနည်း၊ အကျွန်ုပ်တို့သည်လည်း ထိုဥပါသကာကို တွေ့မြင်လိုပါကုန်၏၊ နတ်သား အကြင်သူကို သင် ချစ်မြတ်နိုး၏၊ အကျွန်ုပ်တို့သည် သင်ချစ်မြတ်နိုးသော ထိုသူကို သိလိုက်ပါကနု၏ (ဟု ကုန်သည်များက ဆို၏)။

၁၂၇၃။ ကုန်သည်တို့ သမ္ဘ၀မည်သော အကြင် ဆတ္တာသည်သည် ခေါင်းဖြီးရန် ဘီးထိုင်ခုံ ပျဉ်ချပ်တို့ကို မှီ၍ အသက်မွေးမြူလျက် ရတနာသုံးပါးကို ဆည်းကပ်သူ ဥပါသကာဖြစ်၏၊ ထိုသမ္ဘ၀ဆတ္တာသည်ကို သိကုန်လော့၊ ထိုဆတ္တာသည်သည် သင်တို့၏ အစေခံတည်း၊ သင်တို့သည် ထိုဆတ္တာသည်ကို မရူတ်ချကြကုန်လင့်။ ထိုဆတ္တာသည်သည် သီလကို အလွန် ချစ်မြတ်နိုးသူ ဖြစ်၏ (ဟု နတ်သားက ဆို၏)။

၁၂၇၄။ နတ်သား သင်ပြောဆိုသော ဥပါသကာကို အကျွန်ုပ်တို့သည် လူ့သဘောအားဖြင့် သိပါကုန်၏၊ ဂုဏ်အားဖြင့်ကား ဤသို့ သဘောရှိ၏ ဟူ၍ မသိကြပါကုန်၊ နတ်သား သင်၏ ကောင်းမြတ်သော စကားကို ကြားကုန်၍ အကျွန်ုပ်တို့သည်လည်း ထိုဥပါသကာကို ပူဇော်ကြပါကုန်အံ့ (ဟု ကုန်သည်များက ဆို၏)။

၁၂၇၅။ ကုန်သည်တို့ ဤလှည်းကုန်သည် အပေါင်းတွင် အရွယ်ငယ်သူ အလတ်ဖြစ်သူ အရွယ်ကြီးရင့်သူ အားလုံးတို့သည် ငါ၏ ဗိမာန်သို့ တက်ကြကုန်လော့၊ နှမြောစဉ်းလဲသော စိတ်ရှိသူတို့သည် ကုသိုလ်ကောင်းမူတို့၏ အကျိုးကို ကြည့်ရူ လှည့်ကြကုန် (ဟု နတ်သားက ဆို၏)။

၁၂၇၆။ ထိုအရပ်၌ ထိုကုန်သည် အားလုံးတို့သည် ဗိမာန်သို့ ငါအလျင် တက်မည်၊ ငါအလျင် တက်မည် (ဟု ဆိုကုန်လျက်) ထိုဆတ္တာသည် ဥပါသကာကို ရှေ့သွားပြုပြီးလျှင် သိကြားမင်း၏ ဗိမာန်နှင့် တူသော သေရိသကနတ်သားဗိမာန်သို့ တက်ကြကုန်၏။

၁၂၇၇။ ထိုဗိမာန်၌ ထိုကုန်သည်အားလုံးတို့သည် ဗိမာန်သို့ ငါအလျင် ငါအလျင်ဟူ၍ (သူ့ထက်ငါ) ဥပါသကာအဖြစ်ကို ပြောကြားကုန်၏၊ အသက်ကို သတ်ခြင်းမှ ကြဉ်ရှောင်ကုန်ပြီ၊ လောက၌ မပေးသည်ကို ခိုးယူခြင်းမှ ရှောင်ကြဉ်ကုန်ပြီ၊ သေအရက်ကို မသောက်စားကြကုန်၊ မမှန်သော စကားကိုလည်း မပြောဆိုကြကုန်၊ မိမိမယားဖြင့်သာ နှစ်သိမ့် ရောင့်ရဲကြကုန်ပြီ။

၁၂၇၈။ ထိုဗိမာန်၌ ထိုကုန်သည် အားလုံးတို့သည် ငါအလျင် ငါအလျင်ဟူ၍ (သူ့ထက်ငါ) ဥပါသကာအဖြစ်ကို ပြောကြားကုန်ပြီးလျှင် ကုန်သည် အပေါင်းသည် သေရိသကနတ်သား ခွင့်ပြုအပ်သည်ဖြစ်၍ နတ်သား၏ တန်ခိုးအာနုဘော်ကို အဖန်တလဲလဲ ၀မ်းမြောက်ကုန်လျက် ဖဲသွားလေ၏။

၁၂၇၉။ ထိုကုန်သည်တို့သည် ဥစ္စာကို အလိုရှိကုန်သည်ဖြစ်၍ အမြတ်ကို တောင့်တကုန်လျက် သိန္ဓုအရပ် သောဝိရအရပ်သို့ သွားရောက်ကြကုန်ပြီးလျှင် ၀န်ခံသည်အားလျော်စွာ လုံ့လရှိကုန်လျက် ပြည့်စုံသော လာဘ်ရှိကုန်၍ ပါဋလိပုတ်ပြည်သို့ ဘေးမရှိပဲ ပြန်သွားကြလေကုန်၏။

၁၂၈၀။ ထိုကုန်သည်တို့သည် ချမ်းချမ်းသာသာ မိမိအိမ်သို့ ရောက်ကြသောအခါ သားသမီးတို့နှင့်၎င်း၊ မယားတို့နှင့်၎င်း ပေါင်းဆုံမိကြပြီးလျှင် အားရရွှင်လန်းဝမ်းမြောက် နှစ်သက်ကုန်သည်ဖြစ်၍ ကြီးမြတ်သော သေရိသကနတ် ပူဇော်သဘင်ကို ပြုကြကုန်၏၊ ထိုကုန်သည်တို့သည် သေရိသက နတ်ကွန်းကို ဆောက်လုပ်ကြကုန်၏။

၁၂၈၁။ သူတော်ကောင်းတို့ကို မှိဝဲပေါင်းဖော်ရခြင်းသည် ဤသို့ (အကျိုးမဲ့ကို တားမြစ်ခြင်း အကျိုးကို ပြီးစေခြင်း) သဘောရှိ၏၊ တရားတော်၏ ကျေးဇူးတို့ကို မှီဝဲခြင်းသည် များမြတ်သော အကျိုးအာနိသင် ရှိ၏၊ ဥပါသကာ တယောက်၏ အကျိုးငှါ ချီးမြှောက်ခြင်းကို ပြုသဖြင့် သတ္တ၀ါအားလုံးတို့ ချမ်းသာခြင်းသို့ ရောက်ကြကုန်၏။

ဆယ်ခုမြောက်သော သေရီသက၀ိမာန၀တ္ထု ပြီး၏။

Wednesday 10 August 2011

၁၀ - သေရီသက၀ိမာန၀တ္ထု

No comments:

Post a Comment