၇ - သတ္တပုတ္တခါဒပေတိဝတ္ထု

၃၅။ သင်သည် အ၀တ်လည်း မပါ၊ စက်ဆုပ် ရွံရှာဖွယ် အဆင်းလည်း ရှိ၏၊ မကောင်းသော အနံ့ရှိသည်ဖြစ်၍ အပုပ်နံ့လိူင်ဘိ၏၊ ယင်ကောင်တို့ဖြင့် ၀ိုင်းအုံလျက် ဤအရပ်၌ ရပ်သော သင်သည် အဘယ်သူနည်း (ဟု သံဃာ့မဟာထေရ်က မေး၏)။



၃၆။ အရှင်ဘုရားတို့ အကျွန်ုပ်သည် ယမမင်းနိုင်ငံ ပြိတ္တာဘုံ၌ အကျွမ်းဝင်သော မကောင်းသော လားရာရှိသော ပြိတ္တာမ ဖြစ်ပါ၏၊ မကောင်းမူ အကုသိုလ်ကံကို ပြုမိခဲ့ခြင်းကြောင့် ဤလူ့လောကမှ ပြိတ္တာလောကသို့ ရောက်ရပါ၏။



၃၇။ အကျွန်ုပ်သည် နံနက်ကာလ၌ သားခုနှစ်ယောက်တို့ကို၎င်း၊ ညနေချမ်းအခါ၌ အခြားသားခုနှစ်ယောက်တို့ကို၎င်း ဖွားမြင်ပြီးလျှင် (ထိုသားတို့ကို) ခဲစားရပါ၏၊ ထိုသားတဆယ့်လေးယောက်တို့ ပင်သော်လည်း အကျွန်ုပ်အား (ဆာလောင်မွတ်သိပ်မူကို ပယ်ဖျောက်ရန်) မစွမ်းနိုင်ပါ။



၃၈။ အကျွန်ုပ်၏ နှလုံးသားသည် ဆာလောင်ခြင်းဖြင့် ပူလောင်ပါ၏၊ အခိုးတထောင်းထောင်း ထသကဲ့သို့ ဖြစ်၏၊ နေပူ၍ မီးလောင်သကဲ့သို့ ငြိမ်းအေးခြင်းကို မရခဲ့ပါ (ဟုလျှောက်၏)။



၃၉။ သင်သည် ကိုယ်ဖြင့်၎င်း၊ နူတ်ဖြင့်၎င်း၊ စိတ်ဖြင့်၎င်း အဘယ်မကောင်းမူကို ပြုခဲ့သနည်း၊ အဘယ်ကံ၏ အကျိုးကြောင့် မွေးဖွားသော သားတို့၏ အသားတို့ကို စားရဘိသနည်း (ဟုမေး၏)။



၄၀။ အရှင်ဘုရား အကျွန်ုပ်အား သားနှစ်ယောက်ရှိပါ၏၊ သားနှစ်ယောက်တို့သည် အရွယ်သို့ ရောက်ပါကုန်၏၊ ထိုတပည့်တော်မသည် သားတည်းဟူသော အားနှင့် ပြည့်စုံ၍ လင်ကို မထေမဲ့မြင် ပြုခဲ့ပါ၏။



၄၁။ အရှင်ဘုရား အကျွန်ုပ်၏ လင်သည် စိတ်ဆိုး၍ မယားအငယ်ကို ဆောင်ယူခဲ့ပါ၏၊ ထိုလင်တူ မ်ိန်းမ မယားငယ်သည်လည်း ကိုယ်ဝန်ကို ရခဲ့ပါ၏၊ ထိုလင်တူမိန်းမ မယားငယ်အပေါ်၌ ယုတ်မာသော အမူကို အားထုတ်ခဲ့ပါ၏။



၄၂။ ထိုအကျွန်ုပ်သည် ပြစ်မှားသော စိတ်ဖြင့် ကိုယ်ဝန်ချခြင်းကို ပြုခဲ့ပါ၏၊ ထိုလင်တူ မိန်းမ မယားငယ်၏ သုံးလရှိသာ ကိုယ်ဝန်သည် သွေးပြည်ဖြစ်၍ ကျ၏။



၄၃။ ထိုအခါဝယ် ထိုလင်တူ မိန်းမ၏ အမိသည် အမျက်ထွက်၍ အကျွန်ုပ်၏ ဆွေမျိုးတို့ကို စုဝေးစေပါ၏၊ အကျွန်ုပ်၏ ကျိန်စာဆိုခြင်းကိုလည်း ပြုစေခဲ့ပါ၏၊ အကျွန်ုပ်ကို ဘေးဖြင့်လည်း ကြောက်မက်ဖွယ်ရာ ကျိန်ဆိုစေပါ၏။



၄၄။ ထိုအကျွန်ုပ်သည် “အကယ်၍ ထိုကိုယ်ဝန်ချခြင်းကို ငါပြုမိသည် ဖြစ်ပါမူ ငါ့သား၏ အသားတို့ကို ခဲစားရပါစေသား” ဟု ကြမ်းတမ်းသော ကျိန်စာကို၎င်း မုသားစကားကို၎င်း ဆိုခဲ့ပါ၏။



၄၅။ ထို (ကိုယ်ဝန်ချသော ပါဏာတိပါတ) ကံ၏၎င်း၊ မုသားစကား ပြောဆိုခြင်း၏၎င်း နှစ်ပါးသော ကံအကျိုးကြောင့် သွေးပြည်တို့ဖြင့် လိမ်းကျံသော မွေးဖွားသော သား၏ အသားတို့ကို စားရပါ၏ (ဖြေကြား လျှောက်ထား၏)။

ခုနှစ်ခုမြောက်သော သတ္တပုတ္တခါဒပေတိဝတ္ထု ပြီး၏။