၉၁၈။ ပတ္တမြားတိုင်ရှိသော ဤဗိမာန်သည် မြင့်မားလှ၏၊ ထက်ဝန်းကျင် တဆယ့်နှစ်ယူဇနာရှိ၏၊ ကြောင်မျက်ရွဲတိုင်ရှိကုန်သော ကျယ်ပြန့်သော စုလစ်မွန်းချွန် အထွတ်တပ်သော ပြဿာဒ်ဆောင် ခုနှစ်ရာတို့သည် ရွှေပျဉ်ချပ်တို့ဖြင့် ခင်းအပ်သည်ဖြစ်၍ တင့်တယ်ကုန်၏။
၉၁၉။ (သင်နတ်သားသည်) ထိုဗိမာန်၌နေလျက် သောက်လည်း သောက်၏၊ စားလည်း စား၏၊ နတ်စောင်းတို့သည်လည်း သာယာစွာ မြည်ကုန်၏၊ ဤဗိမာန်၌ နတ်အရသာ ဖြစ်ကုန်သော ကာမဂုဏ်ငါးပါးတို့သည် ရှိကုန်၏၊ ရွှေတန်ဆာဖြင့် ပြင်ဆင်ထားသော နတ်သမီးတို့သည်လည်း ကကြကုန်၏။
၉၂၀-၁။ အဘယ်ကုသိုလ်ထူးကြောင့် သင့်အား ဤသို့သော အရောင်အဆင်း ဖြစ်သနည်း။ပ။ သင်၏ အရောင်အဆင်း သည်လည်း အရပ်မျက်နှာ အားလုံးတို့၌ ထွန်းလင်းတောက်ပဘိသနည်း (ဟု အသျှင်မောဂ္ဂလ္လာန်က မေး၏)။
၉၂၂။ ထိုနတ်သားသည် အသျှင်မောဂ္ဂလ္လာန်မေးအပ်သည်ဖြစ်၍ ၀မ်းမြောက်ဝမ်းသာ ဤ (မျက်မှောက်ဖြစ်သော) အကျိုး၏ အကြောင်းကံ ပြဿနာကို မေးမြန်းသည် အားလျော်စွာ ဖြေကြားလျှောက်ထား၏။
၉၂၃။ အကျွန်ုပ်၏ အသက်သည် နတ်၌ဖြစ်သော အနှစ်တထောင် ဖြစ်ပါ၏၊ အကျွန်ုပ်သည် ရှေးဘ၀က (ဤနေရာ၌ နေတော်မူပါကုန် အစရှိသည်ကို) နူတ်ဖြင့် ပြောဆိုခဲ့ပါပြီ၊ (အရှင်ကောင်းတို့သည် သီလကိုချစ်မြတ်နိုးကုန်၏၊ ကုသိုလ်တရားကို ဖြည့်ကျင့်လေ့ရှိကုန်၏ဟု) စိတ်ဖြင့်(ကြည်ညိုမူကို) ဖြစ်စေခဲ့ပါပြီ၊ ဤ(နူတ်မြွက်ပြောဆို စိတ်ဖြင့်ကြည်ညိုကာ) မျှဖြင့် ပြုအပ်ပြီးသော ကုသိုလ်ကံရှိသူသည် နတ်၌ဖြစ်ကုန်သော ကာမဂုဏ်တို့နှင့် ပြည့်စုံသည်ဖြစ်၍ နတ်ပြည်၌ တည်နေရပါလိမ့်မည်။
၉၂၄-၅။ ထိုကုသိုလ်ထူးကြောင့် အကျွန်ုပ်အား ထိုသို့သော အရောင်အဆင်း ဖြစ်ပါ၏။ပ။ အကျွန်ုပ်၏ အရောင်အဆင်းသည်လည်း အရပ်မျက်နှာအားလုံးတို့၌ ထွန်းလင်းတောက်ပပါ၏( ဟု ဖြေကြား၏)။
No comments:
Post a Comment