၇ - ကဏ္ဍက၀ိမာဝတ္ထု

၁၁၇၁-၂။ (နတ်သား) ကြယ်တကာတို့၏ အရှင် ယုန် ရုပ် အရေး အမှတ်ရှိသော လဗိမာန်သည် လပြည့်နေ့၌ ထက်ဝန်းကျင်မှ နက္ခတ်တာရာ အပေါင်းခြံရံလျက် အစဉ်မပြတ် လှည့်လည်သကဲ့သို့ ထိုလဗိမာန်နှင့်တူစွာ နတ်ပြည်၌ ထွန်းပသော (သင်နတ်သား၏) ဤဗိမာန်သည် တက်သစ်သော နေလုလင်ကဲ့သို့ အရောင် အဆင်း အားဖြင့် အလွန်တင့်တယ်၏။



၁၁၇၃။ သင်နတ်သား၏ ဤဗိမာန်သည် (ထိုဗိမာန်၌) ကောင်းစွာ ပြုလုပ်အပ်ကုန်သော ရှစ်မြှောင့်ရှိကုန်သော တိုင်အားလုံးတို့သည် ကြောင်မျက်ရွဲဖြင့် ပြီးကုန်၏ (ထိုတိုင် ရှစ်မြှောင့်တို့တွင်) တမြှောင့်၌ ရတနာ ခုနှစ်ပါးတို့ဖြင့် မွမ်းမံ ခြယ်လယ်ထားကုန်၏။



၁၁၇၄။ မြေကြီးသည် ဆန်းကြယ်သည်ဖြစ်၍ နှလုံးမွေ့လျော်ဖွယ် ရှိ၏၊ ကြောင်မျက်ရွဲဖြင့် ခင်းထား၏၊ စုလစ်မွန်းချွန်တို့သည်လည်း တင့်တယ်ကုန်သည်ဖြစ်၍ နှလုံးမွေ့လျော်ဖွယ် ရှိကုန်၏၊ သင်နတ်သားသည် ပြာသာဒ်ကို ကောင်စွာ ဖန်ဆင်းထားအပ်ပေ၏။



၁၁၇၅။ သင်၏ ရေကန်တို့သည်လည်း နှလုံးမွေ့လျော်ဖွယ် ရှိကုန်၏၊ ငါးအပေါင်းတို့ မှီဝဲအပ်ကုန်၏၊ ကြည်သော ရေရှိကုန်၏၊ အထူးသဖြင့် ကြည်လင်ကုန်၏၊ ရွှေအတိပြီးသော သဲတို့ဖြင့် ကောင်းစွာ ခင်းထားအပ်ကုန်၏။



၁၁၇၆။ အထူးထူးသော ကြာပဒုမာမျိုးတို့ဖြင့် ဖုံးလွှမ်းအပ်ကုန်၏၊ ကြာဖြူပုဏ္ဍရိတ်မျိုးတို့ဖြင့်လည်း ဖုံးလွှမ်း အပ်ကုန်၏၊ လေညှင်း တိုက်ခပ်သဖြင့် လူပ်ကုန်သော နှစ်သက် မြတ်နိုးဖွယ် မွှေးကြိုင်သော ရနံ့တို့သည် ထက်ဝန်းကျင် ပျံ့လိူင်ကုန်၏။



၁၁၇၇။ သင်နတ်သားသည် ထိုရေကန်၏ နံပါးနှစ်ဖက်၌ ပန်းချုံတို့ကို ကောင်းစွာ ဖန်ဆင်းအပ်ကုန်၏၊ ထိုရေကန်တို့သည် အသီးသီးကုန်သော သစ်ပင်တို့နှင့်၎င်း အပွင့် ပွင့်ကုန်သော သစ်ပင်တို့နှင့်၎င်း အသီးအပွင့် နှစ်မျိုးလုံး သီးကြပွင့်ကြကုန်သော သစ်ပင်တို့နှင့်၎င်း ပြည့်စုံကုန်၏။



၁၁၇၈။ နူးညံ့၍ အမွေးရှည်ရှိသော ကော်ဇောဖြင့် ခင်းအပ်သော ရွှေ (ဖြင့်ပြုသော) အခြေရှိသော ပလ္လင်၌ သိကြားမင်းကဲ့သို့ နေသော သင်နတ်သားကို နတ်သမီးတို့သည် လုပ်ကျွေး ခစားကြကုန်၏။



၁၁၇၉။ အလုံးစုံသော မိန်းမ အဆင်တန်ဆာတို့ဖြင့် ဖုံးလွှမ်းအပ်ကုန်သော အထူးထူးသော ပန်းတို့ကို ပန်ဆင်ကုန်သော နတ်သမီးတို့သည် တန်ခိုးကြီးသော သင့်ကို မွေ့လျော်စေကုန်၏၊ (သင်နတ်သားသည်) ၀သ၀တ္တီ နတ်မင်းကြီးကဲ့သို့ ၀မ်းမြောက်ရ၏။



၁၁၈၀။ ကခြင်းကြောင့်၎င်း၊ သီဆိုခြင်းကြောင့်၎င်း၊ ကောင်းစွာ တီးမူတ်ခြင်းကြောင့်၎င်း၊ နှစ်သက်မွေ့လျော်ခြင်းနှင့် ပြည့်စုံသော သင်သည် စည်ကြီး ခရုသင်း မုရိုးစည်တို့ဖြင့်၎င်း၊ စောင်းတို့ဖြင့်၎င်း၊ ထက်စည်တို့ဖြင့်၎င်း မွေ့လျော်ရ၏။



၁၁၈၁။ သင်နတ်သားအား အထူးထူး အပြားပြား များကုန်သော နတ်၌ဖြစ်သော အဆင်းတို့သည်၎င်း၊ နတ်၌ဖြစ်သော အသံတို့သည်၎င်း၊ ထိုမှတပါး နတ်၌ဖြစ်သော အရသာတို့သည်၎င်း၊ သင်လိုလားအပ်သော နတ်၌ဖြစ်သော အနံ့တို့သည်၎င်း၊ နှလုံးမွေ့လျော်ဖွယ်သော အတွေ့တို့သည်၎င်း (ရှိကုန်၏)။



၁၁၈၂။ နတ်သား ထိုမြတ်သော ဗိမာန်၌ များမြတ်သော အရောင်ရှိသော သင်နတ်သားသည် တက်သစ်သော နေလုလင်ကဲ့သို့ အရောင်အဆင်းဖြင့် အလွန်တင့်တယ်၏။



၁၁၈၃။ ဤအကျိုးသည် သင်နတ်သား၏ ဒါနကုသိုလ် အကျိုးလေလော၊ သို့မဟုတ် သီလကုသိုလ်၏ အကျိုးလေလော၊ သို့မဟုတ် လက်အုပ်ချီခြင်း ကုသိုလ်၏ အကျိုးလေလော၊ သင့်ကို ငါမေး၏၊ ထိုအကြောင်းကို ငါ့အား ဖြေကြားလော့ (ဟု မေး၏)။



၁၁၈၄။ ထိုနတ်သားသည် အသျှင်မဟာမောဂ္ဂလ္လာန် မေးအပ်သည်ဖြစ်၍ ၀မ်းမြောက် ၀မ်းသာ ဤ(မျက်မှောက်ဖြစ်သော) အကျိုး၏ အကြောင်းကံ ပြဿနာကို မေးမြန်းသည် အားလျော်စွာ ဖြေကြား၏။



၁၁၈၅။ (အရှင်ဘုရား) အကျွန်ုပ်သည် သာကီဝင်တို့၏ ကပိလ၀တ် အမည်ရှိသော ပြည်မြတ်တွင် သုဒ္ဓေါဒနမင်း၏သား ဘုရားအလောင်း၏ ဖွားဘက်ဖြစ်သော ကဏ္ဍကအမည်ရှိသော မြင်း ဖြစ်ခဲ့ဘူးပါ၏။



၁၁၈၆-၇။ အရှင်ဘုရား ထိုဘုရားအလောင်းသည် အကြင် ညဉ့်သန်ခေါင်ယအခါ၌ သစ္စာလေးပါးကို သိသော ဉာဏ်အကျိုးငှါ တောထွက်တော်မူ၏၊ ထိုအခါဝယ် ထိုဘုရားလောင်းသည် နူးညံ့ကုန်သော လက်တို့ဖြင့်၎င်း၊ ကွန်ရက်ကဲ့သို့ရှိသော အလွန်နီသော လက်သည်းတို့ဖြင့်၎င်း အကျွန်ုပ်၏ ပေါင်ကို ပုတ်၍ “အချင်းကဏ္ဍက (ငါ့ကို တညဉ့်တာမျှ) ရွက်ဆောင်လော့၊ ငါသည် မြတ်သော အရဟတ္တမဂ်ဉာဏ်ကို ရသည်ရှိသော် နတ်နှင့်တကွသော လူကို ထုတ်ဆောင်ကယ်တင်အံ့” ဟဟုလည်း ပြောဆိုပါ၏။



၁၁၈၈။ အရှင်ဘုရား ထိုစကားကို ကြားနာရသော အကျွန်ုပ်အား ပြန့်ပြောများမြတ်သော နှစ်သက်ရွှင်လန်းမူ ဖြစ်ခဲ့ပါ၏၊ ထိုအခါ အကျွန်ုပ်သည် ပီတိဖြင့် တက်ကြွသောစိတ် ၀မ်းမြောက်သော စိတ်ရှိသည်ဖြစ်၍ လိုလား ၀န်ခံခဲ့ပါ၏။



၁၁၈၉။ များသောအခြံအရံရှိသော သာကီဝင်မင်းသား ဘုရားအလောင်းကို အကျွန်ုပ်သို့ တက်စီးနေသည်ကို သိရသောကြောင့် ပီတိဖြင့် တက်ကြွသောစိတ် ၀မ်းမြောက်သော စိတ်ရှိသည်ဖြစ်၍ ယောက်ျားမြတ်ကို ဆောင်ကြဉ်းခဲ့ဘူးပါ၏။



၁၁၉၀။ အရှင်ဘုရား ထိုယောက်ျားမြတ်သည် သူတပါးတို့၏ တိုင်းနိုင်ငံသို့ ရောက်၍ နေတက်လတ်သော် အကျွန်ုပ်ကို၎င်း၊ ဆန္နအမတ်ကို၎င်း ငဲ့ကွက်မူမရှိပဲ စွန့်ပစ်ဖဲသွာခဲ့ပါ၏။



၁၁၉၁။ အကျွန်ုပ်သည် ထိုယောက်ျားမြတ်၏ နီသော ခြေသည်းရှိသော ခြေတို့ကိုလျှာဖြင့် လျက်ခဲ့ပါ၏၊ ဖဲသွားသော ကြီးသော လုံ့လရှိသော ယောက်ျားမြတ်ကိုလည်း ငိုလျက် မျှော်ကြည့်ခဲ့ပါ၏။



၁၁၉၂။ အရှင်ဘုရား အကျွန်ုပ်သည် ဘုန်းပညာရှိတော်မူသော သာကီဝင်မင်းသား ဖြစ်တော်မူသော ထိုယောက်ျားမြတ်ကို မမြင်ရသောကြောင့် ပြင်းထန်သော အနာကိုရ၍ လျင်မြတ်စွာ သေဆုံးခဲ့ပါ၏။



၁၁၉၃။ အရှင်ဘုရား (ကြည်ညိုခြင်း အားကြီးသော) ထိုကောင်းမူ၏ အစွမ်းအာနုဘော်ကြောင့် နတ်ပြည်၌ ထွန်းပသော ကာမဂုဏ်အားလုံးတို့နှင့် ပြည့်စုံသော ဤဗိမာန်၌ နေရပါ၏။



၁၁၉၄။ အရှင်ဘုရား “မြတ်သော အရဟတ္တမဂ်ဉာဏ်ကို ရပြီ” ဟူသော အသံကို ကြားရခြင်းကြောင့် အကျွန်ုပ်အား နှစ်သက်မူဖြစ်သည်သာလျှင်တည်း၊ ထိုကုသိုလ်အရင်းခံကြောင့်သာလျှင် အာသဝေါတရားတို့၏ ကုန်ရာဖြစ်သော အရဟတ္တဖိုလ်သို့ ရောက်ပါလတ္တံ့။



၁၁၉၅။ အရှင်ဘုရား နတ်လူတို့၏ ဆရာဖြစ်တော်မူသော မြတ်စွာဘုရား၏ အထံတော်သို့ အကယ်၍ သွားရောက်ခဲ့ပါမူ အကျွန်ုပ်၏ စကားဖြင့်လည်း ထိုမြတ်စွာဘုရားအား ကဏ္ဍကနတ်သားသည် ဦးခေါင်းဖြင့် ရှိခိုးလိုက်ပါ၏ဟု လျှောက်ထားပြောဆိုပါလော့။



၁၁၉၆။ အရှင်ဘုရား အကျွန်ုပ်သည်လည်း တုဘက်မရှိ ပုဂ္ဂိုလ်ဖြစ်တော်မူသော မြတ်စွာဘုရားကို ဖူးမြင်ခြင်းငှါ သွားပါအံ့၊ တာဒိဂုဏ်နှင့် ပြည့်စုံတော်မူကုန်သော လောက၏ ကိုးကွယ်ရာ မြတ်စွာဘုရားတို့ကို ဖူးမြင်ရခြင်းသည် ခဲယဉ်းလှပါ၏ (ဟု လျှောက်၏)



၁၁၉၇။ သူ့ကျေးဇူးကို သိတတ်သော သူ့ကျေးဇူးကိုထင်စွာ ပြုတတ်သော ထိုကဏ္ဍက နတ်သားသည် မြတ်စွာဘုရားထံသို့ ချဉ်းကပ်လေ၏၊ (ချဉ်းကပ်ပြီးလျှင်) စက္ခုငါးပါး ရှိတော်မူသော မြတ်စွာဘုရား၏ တရားစကားတော်ကို ကြားနာရ၍ သောတာပတ္တိမဂ်ဉာဏ်ကို ရလေ၏။



၁၁၉၈။ အယူမှားခြင်း မိစ္ဆာဒိဌိကို၎င်း၊ မဝေခွဲနိုင်ခြင်း ၀ိစိကိစ္ဆာကို၎င်း၊ မှားသာအားဖြင့် သုံးသပ်အပ်သော အကျင့်တို့ကို၎င်း (သောတာပတ္တိမဂ်ဉာဏ်ဖြင့်) သုတ်သင်ပြီး၍ မြတ်စွာဘုရား၏ ခြေတော်တို့ကို ရှိခိုးပြီးလျှင် ထိုအရပ်၌ပင်လျှင် ကွယ်ပျောက်လေ၏။

ခုနှစ်ခုမြောက်သော ကဏ္ဍက၀ိမာန၀တ္ထု ပြီး၏။