၁။ ပထမ ဒီဃစာရိကသုတ်
ရဟန်းတို့ ! ခရီးရှည်သွားခြင်း, အကန့်အသတ်မဲ့ ခရီးသွားခြင်းကို အဖန်တလဲလဲ ပြုလုပ်အားထုတ်သော ရဟန်း၏ အပြစ် ၅-မျိုးဟူသည်မှာ -
၁။ မကြားဖူးသည်ကို ကြားနာခွင့် မရ။
၂။ ကြားဖူသည်ကို သံသယမကင်းစေနိုင်။
၃။ ကြားဖူးသော တရားအချို့ဖြင့် ရဲရင့်ခြင်း မဖြစ်။
၎။ ပြင်းထန်စွာ ရောဂါ စွဲကပ်တတ်သည်။
၅။ အဆွေခင်ပွန်းလည်း မရှိ။
အကန့်အသတ်ထား၍ ခရီးသွားခြင်း၌ အကျိုး ၅-မျိုးတို့ဟူသည်မှာ -
၁။ မကြားဖူးသည်ကို ကြားနာခွင့် ရသည်။
၂။ ကြားဖူးသည်ကို သံသယကင်းစေနိုင်သည်။
၃။ ကြားဖူးသော တရားအချို့ဖြင့် ရဲရင့်သည်။
၎။ ပြင်းထန်သော ရောဂါ မစွဲကပ်။
၅။ အဆွေခင်ပွန်းလည်း ရှိသည်။
ဆောင် - ကန့်သတ် ပိုင်းခြား၊ ခရီးသွားမူ၊ မကြားဖူး ကြား၊ ကြားဖူး ဖြူစင်၊ ထို့ပြင် ရဲတင်း၊ ထန်ပြင်းရောဂါ၊ မကပ်လာဘဲ၊ မိတ်ဆွေလည်း ရှိ၊ ငါးပါးသိ၊ မှတ်ဘိ အကျိုးများ။
ပထမသုတ် ပြီး၏။
Wednesday 27 April 2011
၂၃။ ဒီဃစာရိက၀ဂ် (ခရီးသွားခြင်းနှင့် ပတ်သက်သည့် သုတ်ပါသော အခန်း)
အမျိုးအစား/ကဏ္ဍ
ဗုဒ္ဓသုတ်တော်များ(မြန်မာပြန်)
Subscribe to:
Post Comments (Atom)
No comments:
Post a Comment