တကောင်းပြည်ကို စတင်တည်ထောင်ချိန်က မြန်မာနိုင်ငံအထက်ပိုင်းတွင် အရှေ့ဘက်၌ ပျူလူမျိုး၊ အနောက်ဘက်၌ ကမ်းယံလူမျိုး၊ မြောက်ဘက်၌ သက်လူမျိုး၊ ဧရာဝတီ၊ စစ်တောင်း၊ သံလွင်မြစ်ဝှမ်းတို့တွင် မွန်လူမျိုးများလည်း ရောက်ရှိနေကြပြီ ဖြစ်သည် ဆိုကြသည်။
တွေ့ရှိရသောအထောက်အထားများအရ မြန်မာနိုင်ငံ၏ ရှေးဟောင်းမြို့ပြနိုင်ငံများအဖြစ် အောက်ပါအတိုင်း တွေ့ရသည်။ မြန်မာနိုင်ငံမြောက်ပိုင်း ဧရာဝတီမြစ်အရှေ့ဘက်ကမ်း၌ တကောင်းပြည်ကြီး တည်ရှိနေသည်။ မြန်မာပြည်အနောက်ပိုင်း ရခိုင်ပြည်မြောက်ပိုင်းဒေသ၌ ဝေသာလီပြည်တည်ရှိနေသည်။ မြန်မာပြည်၏တောင်ဘက် ပင်လယ်ကမ်းခြေ အရပ်၌ သုဝဏ္ဏဘူမိခေါ် သထုံပြည်တည်ရှိနေသည်။ ပြည်မြို့အရှေ့ဘက် မှော်ဇာရွာတည်ရာအရပ်၌ သရေခေတ္တရာပြည် တည်ရှိနေသည်။ ၎င်းပြင် မြန်မာပြည်အလယ်ပိုင်း ဗိဿနိုး၊ ပြည်၊ ဟန်လင်း၊ ပျူနိုင်ငံတို့လည်း တည်ရှိနေကြသည်။
တကောင်းပြည်သည် မြတ်စွာဘုရား ပွင့်တော်မမူမီကပင် တည်ရှိပြီးဖြစ်သည်။ ဣန္ဒိယပြည်မြောက်ပိုင်းနှင့် ပတ်ကွိုင်တောင်ကြားလမ်း၊ ဟူးကောင်းတောင်ကြားလမ်း အဆက်အသွယ်ရှိခဲ့သည်။ တရုတ်ပိုင် လမ်းမကြီးပေါ်တွင် တည်ရှိပြီး အိန္ဒိယ တရုတ်ကုန်သွယ်ရေး အချက်အချာဒေသ ဖြစ်သည်။ သာကီဝင်မင်းတို့နှင့် ရောနှောသွားပြီးသည့်နောက် ပါဠိ သက္ကတအမည်များတွင်ကျယ်လေသည်။ အိန္ဒယနိုင်ငံမှ လာသူများဖြစ်၍ အိန္ဒိယနိုင်ငံမှ မြို့မြစ်တောင်များ၏ အမည်များကို အထုယူ မှည့်ခေါ်ကြသည်။ (ဧရာဝတီမြစ်၊ သလ္လာဝတီမြစ်၊ သင်္ကဿနဂိုရ်၊ ပဉ္စာလရာဇ် စသည်တို့ဖြစ်ကြသည်။)
ပြည်ထောင်စု မြန်မာနိုင်ငံတော်အစိုးရ သာသနာရေးဝန်ကြီးဌာန ဗုဒ္ဓဘာသာတရားတော် (အထက်တန်းအဆင့်) စာအုပ်မှ ထုတ်နူတ်ဖော်ပြသည်။
No comments:
Post a Comment