လူသားနဲ့ ဘာသာရေး

အခု ဘာသာတရား သို့မဟုတ် ယုံကြည်ကိုးကွယ်မူ အကြောင်း နဲနဲသွားကြည့်ရအောင်၊ ယုံကြည်ကိုးကွယ် ဆိုတဲ့စကားမှာ ယုံကြည်ရယ်၊ ကိုးရယ်၊ ကွယ်ရယ်လို့ သုံးပုဒ်ဖြတ်လိုက်၊ ယုံကြည်ဆိုတာ လူသားရဲ့ စိတ်မှာဖြစ်တတ်တဲ့ စွဲထင်မူသဘောပါတဲ့။ ဥပမာ- အရာဝတ္ထုတစ်ခု သို့မဟုတ် ပုဂ္ဂိုလ်တစ်ဦး လက်တွေ့မျက်မြင်အားဖြင့် ရှိသည်ဖြစ်စေ၊ မရှိသည်ဖြစ်စေ ရှိနေတယ်လို့ စိတ်ထဲစွဲထင်နေရင် အဲ့ဒါဟာ ရှိတာဘဲ၊ ရှိနေတယ်လို့ ယုံကြည်တာဘဲ၊ လက်တွေ့မျက်မြင် ယုံတာရယ်၊ စိတ်ကူးနဲ့ ယုံတာရယ်လို့ အမျိုးအစား ကွဲပြားနိုင်တယ်။

ကိုးဆိုတာ အားကိုးတာ။ အဲဒီရှိနေတဲ့ အရာဝတ္ထု သို့မဟုတ် ပုဂ္ဂိုလ်က မိမိရဲ့ ကောင်းကျိုးတစ်ခုခုကို ဆောင်ကျဉ်းပေးလိမ့်မယ်လို့ ထင်မှတ်ပြီး အားကိုးတာ။

ကွယ်ဆိုတာ ကာကွယ်တာ။ အဲဒီအရာဝတ္ထု အဲဒီ ပုဂ္ဂိုလ်ကို ကွယ်လိုက်ရင် မိမိအပေါ်မှာ ကျရောက်လာမယ့် အန္တရာယ်ကနေ လွတ်သွားလိမ့်မယ်လုိ့ ထင်ပြီး ကာကွယ်တာပါ။

ညဖက် ရာသီဥတုသာယာတဲ့အချိန်မှာ ကောင်းကင်ကို မော့ကြည့်ပြီး နက္ခတ်တာရာတွေ လင်းလက်နေတာကို တွေ့တော့ အဲဒီ နက္ခတ်တာရာတွေပေါ်မျာ တန်ခိုးဣဒ္ဓိပါဒ်ရှိတဲ့ ပုဂ္ဂိုလ်တွေရှိမယ်လို့ တွေးမိလာတယ်၊ တစ်ခါ အဲဒီ နက္ခတ်တာရာတွေရဲ့ အလင်းရောင် တောက်ပမူ၊ မူန်ဝါးမူ၊ နေရာအနေအထား ပြောင်းလဲမူတွေနဲ့ လူသားလောကရဲ့ သာယာအေးချမ်းမူ၊ ဘေးဘျမ်းများမူ၊ ချမ်းသာမူ၊ ဆင်းရဲမူတွေ အဆက်အစပ် ဖြစ်နေတာကိုတွေ့ရပြီး အဲဒီပုဂ္ဂိုလ်တွေက ငါတို့ လူသားတွေအပေါ် တစ်နည်းနည်းနဲ့ လွှမ်းမိုးမူရှိနေတာ ဖြစ်ရမယ်လို့ ယုံကြည်လာတယ်။ ပြီးတော့ မိမိချမ်းသာဖို့အတွက် အားကိုးလာတယ်၊ ဆင်းရဲပျောက်ဖို့ ကာကွယ်လာတယ်ပေါ့။

မြစ်ဘေးမှာ နေကြတဲ့လူသားတွေက အဲဒီမြစ်ကို အမှီပြုပြီး စိုက်ပျိုးစားသောက်၊ မြစ်ကြောင်းနဲ့ ကူးသန်းသွားလာလုပ်ကြတယ်၊ လူသားတွေချမ်းသာအောင် မြစ်က ကူညီပံ့ပိုးပေးတယ်၊ မြစ်ရေတွေကြီးလာပြီဆိုရင် ဘေးဒုက္ခတွေ့ပြီး သေကျေပျက်စီးကြ ပြန်တယ်၊ ဒီအခါ ဒီမြစ်ကြီးမှာ တန်ခိုးဣဒ္ဓိပါတ်ရှိတဲ့ ပုဂ္ဂိုလ်ကြီးရှိတယ်၊ သူကျေနပ်ရင် ကောင်းကျိုးပေးပြီး မကျေနပ်ရင် မကောင်းကျိုးပေးတယ်လို့ ယုံကြည်လာတယ်၊ ကောင်းကျိုးရဘို့ အားကိုးပြီး မကောင်းမှ ကာကွယ်ကြပြန်တယ်။

တစ်ခါ တောကိုအမှီပြုပြီးနေရတဲ့ လူသားက တောကို၊ တောင်ကို အမှီပြုပြီးနေရတဲ့ လူသားက တောင်ကို စဉ်းစားကြတာပါဘဲ၊ တောက ငါတို့အတွက် စားဘို့ သောက်ဘို့ သစ်သီးဝလံနဲ့ သားကောင်တွေ ပေးတယ်၊ နေဘို့၊ ထိုင်ဘို့ နေရာတွေ ပေးတယ်ဆိုပြီး ကောင်းကျိုးတွေကို တွေးမိတယ်၊ အသက်ဘေးအန္တရာယ်နဲ့ တွေ့ကြုံတဲ့အခါ ငါတို့အပေါ်မှာ မကျေနပ်တာရှိလို့ အခုလို လုပ်တာဘဲဆိုပြီး တွေးမိတယ်၊ ဒီလိုနဲ့ မြစ်စောင့်နတ်၊ တောစောင့်နတ်၊ တောင်စောင့်နတ်၊ အာကာသစိုး၊ ဘုမ္မစိုး ဆိုတာတွေ လူသားတွေရဲ့ စိတ်ထဲမှာ စွဲထင်လာတော့တယ်။

ဒီယုံကြည်မူကို ဘာသာရေးဆိုတဲ့ စကားလုံးနဲ့တွဲပြီး မသုံးသေးပါဘူး၊ ဒါက သမိုင်းဦးခေတ်လူသားတွေရဲ့ ဉာဏ်ရည်ဉာဏ်သွေးနိမ့်ကျတဲ့ အချိန်လောက်က ယုံကြည်မူတွေပါ။ နောက်ပိုင်းလူသားတွေ ဉာဏ်ရည်ဉာဏ်သွေးကောင်းလာပြီး တိုးတက်လာတဲ့အခါ အတွေးအခေါ်တွေပိုပြီး အဆင့်မြင့်လာတာကို တွေ့ရပါတယ်။


မော်ကွန်းထိန်းဆရာတော် ဘဒ္ဒန္တကေသရ၏ ကမ္မ၀ါဒများနှင့် မိတ်ဆက်ပေးခြင်း စာအုပ်မှ ကောက်နုတ်တင်ပြသည်။