ဗုဒ္ဓ၀ါဒ

အခု ဗုဒ္ဓဘာသာရဲ့ ယုံကြည်ကိုးကွယ်မူအပိုင်း သွားရအောင်၊ ငါတို့ ဗုဒ္ဓဘာသာဘုရားက တခြားဘာသာက ဘုရားတွေနဲ့ မတူဘူး၊ ဒို့ဘုရားက လူသားဘုရား၊ လူမိဘက မွေးဖွားလာပြီး အသက်ရှင်သန်နေထိုင်တယ်၊ အိမ်ထောင်သားမွေးပြုတယ်၊ အိုတယ်၊ နာတယ်၊ သေတယ်၊ ဒါကြောင့် ခုနက ယုံကြည်ဆိုတဲ့ စကားလုံးကို အဓိပ္ပါယ် ဖွင့်တဲ့နေရာမှာ တစ်မျိုးပြောင်းဖွင့်ရမယ်။

အမှန်တရားကို ကိုယ်တိုင်ရှာဖွေသိရှိထားသူ သူတစ်ပါးကို သိရှိအောင်ဖြန့်ဝေပေးသူ၊ ဘုရားတစ်ဆူမှာ ရှိသင့်ရှိထိုက်တဲ့ ဂုဏ်ပုဒ်တွေနဲ့ ပြည့်စုံပြီး ဘုရားတစ်ဆူ သိသင့်သိထိုက်တဲ့ တရားဓမ္မအားလုံးကို သိပြီးသူ၊ ဒီလိုယုံကြည်တာ။

ကိုးကွယ်ဆိုတဲ့ စကားလုံးနဲ့ ပတ်သက်လို့က သူ့ကို အမှီပြုပြီး ငါတို့လည်း အမှန်တရားကို သိရှိလာနိုင်တယ်၊ ဒါကြောင့် သူ့ကို အားကိုးရမယ်၊ အမှန်တရားကို မသိသရွေ့ အမှားထဲမှာ တ၀ဲလည်လည်နဲ့ နစ်မွန်းပြီး ဒုက္ခပင်လယ်ဝေနိုင်တယ်၊ အဲဒီဒုက္ခလွတ်အောင် သူနဲ့ အကာအကွယ်ပြုရမယ်၊ ဒီလိုအဓိပ္ပာယ်ဖွင့်မှ မှန်မယ်။

ဗုဒ္ဓဘာသာဘုရားက သတ္တ၀ါတွေအပေါ် လွှမ်းမိုး မထားဘူး၊ သတ္တ၀ါတွေ ဒုက္ခရောက်အောင်မလုပ်ဘူး၊ သတ္တ၀ါတွေ ဒုက္ခရောက်နေတာ ဘုရားနဲ့မဆိုင်ဘူး၊ ကိုယ့်ကံကြောင့် ကိုယ်ဒုက္ခရောက်တာ၊ ဒါကြောင့် ဒုက္ခကလွတ်အောင်၊ သက်သာအောင် ဘုရားကို သွားပြီး အပူကပ်ဘို့ မလိုဘူး၊ ကျေနပ်အောင်ချော့ဘို့လည်း မလိုဘူး၊ ငါတို့ဘုရားဝတ်တက်တယ်ဆိုတာနဲ့ သူတို့ ၀တ်ပြုဆုတောင်းတာနဲ့ မတူဘူး။ ငါတို့ကို အမှန်တရားသိအောင် ပြုပေးလို့ လမ်းမှန်ညွှန်ပြပေးလို့ ကျေးဇူးတင်တဲ့အနေနဲ့ သူ့ရဲ့ဂုဏ်ပုဒ်တွေ ရွတ်ဆိုပြီး ချီးကျူးတာသက်သက်ပဲ၊ ဘာတွေညာတွေ တောင်းဆိုတာ မလုပ်ဘူး၊ ဒုက္ခကလွတ်အောင်လည်း ကိုယ်တိုင်ပြုလုပ်ရမယ်၊ ချမ်းသာရအောင်လည်း ကိုယ်တိုင်ပြုလုပ်ရမယ်၊ ဘုရားကတော့ လမ်းဘဲညွှန်ပြပေးပါတယ်။

နောက်တစ်ခု နေ့ဘက်အလင်းရောင်ကို အမှီပြုပြီး သွားလာကြတဲ့ သတ္တ၀ါတွေအတွက် ကြည့်စရာမျက်လုံး ပါတယ်၊ ဒါနဲ့ကြည့်သွားကြပေါ့၊ ညဘက်အမှောင်နဲ့ ကျက်စားကြတဲ့ သတ္တ၀ါတွေအတွက်ကတော့ မျက်လုံးနဲ့တင် မလုံလောက်ဘူး၊ ဒါကြောင့် လင်းနို့တွေမှာ အရာဝတ္ထုကို ဖမ်းယူသိရှိနိုင်တဲ့ ရေဒါစနစ်ပါရှိနေတယ်။ ဒီလိုသဘာဝရဲ့ ထူးခြား ဆန်းကြယ်ပုံတွေ မြောက်များစွာကို ကြံစည်တွေးတောရင်း ဖန်ဆင်းရှင် ရှိနိုင်တယ်ဆိုတဲ့ အတွေးပေါက်လာတာပါဘဲ။

ဒီအတွေးကို အဟေတုက၀ါဒသမားတွေက လက်ခံမယ် မဟုတ်ဘူး၊ ဆူးကို ဘယ်သူချွန်ပေးသလဲ။ သမင်မျက်လုံးကို ဘယ်သူမျက်စဉ်း ခပ်ပေးသလဲ။ သူ့ဟာသူ ဖြစ်တာပါ၊ သဘာဝပဲပေါ့။

ဖန်ဆင်းရှင်သမားတွေရဲ့ ဖန်ဆင်းရှင်ဆိုတာဟာ ငါတို့ ဗုဒ္ဓဘာသာတွေအနေနဲ့ကတော့ သဘာဝတရားလို့ဘဲ ယူဆမှာပါ၊ ဒါဆို သဘာဝတရားသည်သာ ဖန်ဆင်းရှင်ပေါ့။

ဖန်ဆင်းရှင်ကြီးရှိနိုင်ပုံကိုတော့ သက်ရှိသက်မဲ့ နှစ်မျိုးနဲ့ တွေးကြည့်ရအောင်၊ ဥပမာ - ကြက်ခြံကြီးထဲက ကြက်ကလေးတစ်ကောင်ဆိုပါစို့။ ဒီကြက်ကလေး သူ့မိဘဖြစ်တဲ့ ကြက်မဖနဲ့ ကြက်မတို့ မိတ်လိုက်ရာကနေပြီး “ဥ” အဖြစ်ကို ရောက်လာတယ်။ နောက်ဥမှ အကောင်ဖြစ်လာတယ်။ အကောင်ဖြစ်ပြီး သူနဲ့ဘ၀တူ အခြား ကြက်ကလေးတွေနဲ့ ဆော့ကစားပြီး ကြက်ငယ်ဘ၀နဲ့ ရှင်သန်နေခဲ့တယ်။ အရွယ်ရောက်တဲ့အခါ အရွယ်တူ ကြက်ငယ်နဲ့မိတ်လိုက်ပြီး မျိုးဆက်သစ်တွေ မွေးထုတ်ပေးတယ်၊ ပြေးလွှား ကစားတယ်၊ တစ်ကောင်နဲ့တစ်ကောင် ရန်ဖြစ်တဲ့အခါ ဖြစ်တယ်။ ဒီလိုနေရင်းကနေ ကြက်ခြံပိုင်ရှင်ကြီး အဲဒီကြက်တွေရဲ့ အသားထွက်နူန်း အခြေအနေကို ကြည့်ပြီး ရှေ့ဆက်ထားသင့်ရင် ထားတယ်၊ အသားပေါ်သင့်ရင် အသားပေါ်ပစ်လိုက်တယ်။ အသားပေါ်ပစ်လိုက်ရင်တော့ ကြက်ကလေး ကြက်ခြံကနေ ကြက်သားဆိုင်ပေါ် ရောက်သွားတော့တာပဲ၊ အဲဒီ ကြက်ကလေး သူ့ဘ၀ သူပိုင်ဆိုင်တယ်။ သဘာဝအတိုင်း မွေးလာတယ်လို့ ထင်မှာပါဘဲ၊ ဒါပေမဲ့ သူ့ဘ၀ကို လွှမ်းမိုးထားတဲ့ ကြက်ခြံပိုင်ရှင်ကြီး ရှိနေတယ်။ ပိုင်ရှင်ကြီးက သူတို့ နေထိုင်စားသောက်ဖို့ နေထိုင်မကောင်းရင် ဆေးဝါးကုသဖို့ဆိုတာတွေကို စီမံပေးနေတယ်၊ ဒီအချက်ကို ကြက်ကလေး ရိပ်မိပါ့မလား။

နောက်တစ်ခု လယ်ကွင်းထဲက ကောက်ပင်ကလေး လယ်ကွက်ထဲမှာ ပေါက်ရောက် ရှင်သန်နေတယ်ဆိုပါစို့၊ မြေကြီးပေါ်မှာ အမြစ်နဲ့တွယ်ပြီး မြေထဲက ရေကိုသောက်ပြီး ရှင်သန်ခဲ့တယ်၊ လေကို ရှူရိူက်တယ်။ နေရောင်ခြည်ကို ခိုလူံတယ်၊ သစ်ပင်ရဲ့ သဘာဝနှင့်အညီ သူရှင်သန်ခဲ့တာပဲ၊ အချိန်တန်ရင် သီးနှံထွက်လာတယ်၊ ဒီလိုနဲ့ သီးနှံရင့်တော့ လယ်ပိုင်ရှင်က ရိတ်သိမ်းတော့တယ်၊ ကောက်ပင်ကလေး ဘ၀ဇာတ်သိမ်းတော့တာပေါ့၊ ကောက်ပင်ကလေးဟာ သူ့ဟာသူ သဘာဝအတိုင်း ကောက်ပင်ဖြစ်လာတယ်၊ သဘာဝအတိုင်း ရှင်သန်နေထိုင်တယ်လို့ ထင်ပေမဲ့ တကယ်တော့ သူ့ကို စိုက်ပျိုးတဲ့ လယ်ပိုင်ရှင်ကြီး ရှိတယ်၊ အဲဒီပိုင်ရှင်ကြီးက ရေတို့ မြေဆီတို့ကို ကျွေးမွေးတယ်၊ သူပအတွက်လိုအပ်လာတဲ့အခါ ကောက်ပင်ကလေးကို ရိတ်သိမ်းတော့တာပေါ့၊ သူ့ဘ၀ကို လွှမ်းမိုးထားတဲ့ လယ်ပိုင်ရှင်ကြီးရှိတာကို ကောက်ပင်ကလေး ရိပ်မိပါ့မလား၊ ဒါဖန်ဆင်းရှင်ရှိနိုင်ပုံကို ကြံဖန်တွေးတောတာပါ။

အလွန်ကြီးမားတဲ့ တန်ခိုးစွမ်းအားတွေနဲ့ ပြည့်စုံတဲ့ ဖန်ဆင်းရှင်ကြီးရှိတယ်၊ အဲဒီ ဖန်ဆင်းရှင်ကြီးက ငါတို့အပေါ်မှာ လွှမ်းမိုးအုပ်စိုးထားတယ်၊ ငါတို့ရဲ့ ကောင်းကျိုး ဆိုးကျိုးကို စီမံပိုင်ခွင့်ရှိတယ်လို့ ယုံကြည်လိုက်ရင် ဒါ ယုံကြည်မူဖြစ်တယ်၊ သူ့ကို အားကိုးအားထားပြုရတော့မယ်၊ ဆိုးကျိုးအန္တရာယ် မကျရောက်အောင် သူနဲ့ အကာအကွယ် ယူရတော့မယ်၊ ဒီအခါ ယုံကြည်ကိုးကွယ်မူ ဖြစ်သွားရော၊ ဘာသာရေးဆိုတဲ့ စကားလုံးလည်း ပါဝင်လာတယ်၊ ဘာသာရေး ယုံကြည်ကိုးကွယ်မူ ဖြစ်သွားတာပေါ့။

မော်ကွန်းထိန်းဆရာတော် ဘဒ္ဒန္တကေသရ၏ ကမ္မ၀ါဒများနှင့် မိတ်ဆက်ပေးခြင်း စာအုပ်မှ ကောက်နုတ်တင်ပြသည်။