ဒို့ဘုရားက ကယ်တင်ရှင် မဟုတ်ဘူး၊ ကယ်လည်း မကယ်နိုင်ဘူး၊ သက်သေပြမယ်၊ ဘုရားရဲ့အမျိုး သာကီဝင်တွေကို ကောသလတိုင်းက ၀ိဍဍူဘ-ဆိုတဲ့မင်းက မကျေနပ်လို့ လိုက်သတ်တာလေ၊ အဲဒီအချိန်က ဘုရား အသက်ထင်ရှားရှိသေးတာဘဲ၊ သူမကယ်နိုင်ပါဘူး၊ ထွက်ပြေးကြရတာပါ၊ ပြေးနိုင်တဲ့သူတွေ လွတ်ပြီး မပြေးနိုင်သူတွေ သေကုန်တာပါပဲ၊ ဒီတော့ သူ့အမျိုးတောင် မကယ်နိုင်ဘူးဆိုရင် တစိမ်းဘယ်မှာ ကယ်နိုင်မလဲ၊ ဒါကို မသိတော့ တစ်ချို့က ငှက်ပျောသီး အုန်းသီးတွေနဲ့ သာသနာပွဲထိုးပြီး ဘုရားဆီက ဟိုဟာတောင်း၊ ဒီဟာတောင်းနဲ့ တောင်းကြတာ၊ ဒို့ဘုရားက မပေးနိုင်ပါဘူး။
ဒီနေရာမှာ အခြားဘာသာတွေနဲ့ ကွာခြားချက်ကလေး ထုတ်ကြည့်ရအောင်၊ ဘုရားချင်းမတူဘူး၊ သူတို့က ထာဝရ ဘုရား၊ ပုဂ္ဂိုလ်သတ္တ၀ါမဟုတ်တဲ့အတွက် အို၊ နာ၊ သေ မရှိဘူး၊ အမြဲတည်တယ်၊ ဒို့ ဘုရားက လူသား အို၊ နာ၊ သေ ရှိတယ်၊ မမြဲဘူး။
သူတို့က သတ္တ၀ါတွေရဲ့အတွင်း မပျက်မစီး အမြဲတည်တဲ့ အတ္တရှိတယ်လို့ ယူဆတယ်၊ ဒို့က အဲဒါမရှိဘူး၊ ရုပ်နဲ့ နာမ်ဘဲရှိတယ်၊ ရှိတဲ့ ရုပ်နာမ်ဟာလည်း ပျက်စီးတယ်၊ မမြဲဘူး၊ ဒါကွားခြားချက်ပါဘဲ။
မော်ကွန်းထိန်းဆရာတော် ဘဒ္ဒန္တကေသရ၏ ကမ္မ၀ါဒများနှင့် မိတ်ဆက်ပေးခြင်း စာအုပ်မှ ကောက်နုတ်တင်ပြသည်။
Friday 25 February 2011
ကယ်တင်ရှင်မဟုတ်
အမျိုးအစား/ကဏ္ဍ
ဓမ္မဆောင်းပါး
Subscribe to:
Post Comments (Atom)
No comments:
Post a Comment