အဟေတုကဆိုတာ အကြောင်းမရှိဘူးလို့ အဓိပ္ပါယ်ရတယ်၊ ဒီဝါဒ သာမညဖလသုတ် တတ္ထိတွေအကြောင်း ပြောတဲ့နေရာမှာ တွေ့ရတယ်၊ အဇာတသတ်မင်း သွားရောက်ဖူးတွေ့တဲ့ တိတ္ထိဆရာကြီးတွေထဲက တစ်ယောက်ဟာ ဒီဝါဒကို လက်ခံသူ ဖြစ်တယ်၊ သတ္တ၀ါဖြစ်ပေါ်လာတာ အကြောင်းမရှိဘူး၊ ဖြစ်ပြီးရှင်သန်နေတဲ့ အပိုင်းမှာ သတ္တ၀ါတစ်ဦး တွေ့ကြုံရတဲ့ ဆင်းရဲချမ်းသာ ဘ၀ရဲ့ အနိမ့်အမြင့်တွေဟာလည်း အကြောင်းမရှိဘူး၊ ဒီလို ယူဆတယ်၊ အမှန်တော့ ဒီဝါဒဟာ သူ့ရှေ့ကရှိပြီးဖြစ်တဲ့ ဖန်ဆင်းရှင်ဝါဒကို ပယ်တာဘဲ၊ အဲဒီခေတ် ရှေးဟောင်း အိန္ဒိယ အတွေးအခေါ် သမားတွေရဲ့ လောကမှာ ခေတ်စားနေတဲ့ မေးခွန်းလေးတွေရှိတယ်၊ သုဘလုလင်က မြတ်စွာဘုရားကို မေးခဲ့တဲ့ မေးခွန်းတွေပါဘဲ -
အချို့သတ္တ၀ါတွေ ချမ်းသာပြီး အချို့ဆင်းရဲတယ်၊
အချို့သတ္တ၀ါတွေ အသက်ရှည်ပြီး အချို့အသက်တိုတယ်၊
အချို့သတ္တ၀ါတွေ အဆင်းလှပြီး အချို့ရုပ်ဆိုးတယ်၊
အချို့သတ္တ၀ါတွေ ကျန်းမာပြီး အချို့ရောဂါထူပြောတယ်၊
အချို့သတ္တ၀ါတွေ သြဇာအာဏာရှိပြီး အချို့ သြဇာအာဏာမဲ့တယ်။
ဒီမေးခွန်းတွေကို မြတ်စွာဘုရား ကံနဲ့ဖြေခဲ့တယ်။ အဟေတုကသမားတွေက အကြောင်းမရှိပါဘူး၊ ချမ်းသာချင်တဲ့သူ ချမ်းသာမှာဘဲ၊ ဆင်းရဲချင်တဲ့သူ ဆင်းရဲမှာဘဲ၊ ဘာမှအကြောင်းမရှိပါဘူးလို့ ပြောမှာပါဘဲ။
ဒီနေရာမှာ စဉ်းစားစရာက တကယ်အကြောင်း မရှိတာလား၊ ရှိတဲ့အကြောင်းကို မြင်အောင်မကြည့်နိုင်တာလား ဆိုတာဘဲ။
မော်ကွန်းထိန်းဆရာတော် ဘဒ္ဒန္တကေသရ၏ ကမ္မ၀ါဒများနှင့် မိတ်ဆက်ပေးခြင်း စာအုပ်မှ ကောက်နုတ်တင်ပြသည်။
Wednesday 23 February 2011
အဟေတုက၀ါဒ
Subscribe to:
Post Comments (Atom)
No comments:
Post a Comment