ရဟန်းတို့ ! အလှူပေးခြင်း၌ အကျိုးအာနိသင် ၅-မျိုးမှာ -
၁။ လူအများ ချစ်ခင်မြတ်နိုးကြသည်။
၂။ ငြိမ်သက်သည့် စိတ်နှလုံသားပိုင်ရှင် သူတော်ကောင်းတို့၏ ချဉ်းကပ်ခြင်းခံရသည်။
၃။ ဂုဏ်သတင်းကောင်း ထွက်သည်။
၎။ လူ့ကျင့်ဝတ်တရားနှင့် ပြည့်စုံသည်။
၅။ ခန္ဓာပျက်ကြွေ သေပြီးနောက် သုဂတိဘုံဘ၀ နတ်ပြည်လောကသို့ ရောက်ရသည်။
ဤသို့ မ်ိန့်တော်မူပြီး ပါဠိကဗျာ ဂါထာဖြင့် မိန့်တော်မူပြန်သည်မှာ -
သူတော်ကောင်းကြီးတို့၏ တရားလမ်းစဉ်ကို အစဉ်လိုက်နာသည့် ပေးလှူသူကို ချစ်ခင်ကြသည်၊ သူတော်ကောင်းတို့သည် သူ့ထံ အမြဲတမ်း ချဉ်းကပ်ကြသည်။
သူတော်ကောင်းတို့သည် ပေးလှူသူအား ဆင်းရဲဒုက္ခဟူသမျှကို ဖျက်ဆီးနိုင်သည့် မြတ်သာ တရားကို ဟောကြားကြသည်၊ အလှူရှင်သည် ဤဘ၀၌ပင် ယင်းတရားကို သိ၍ ရဟန္တာဖြစ်လျက် ပရိနိဗ္ဗာန်ပြုရလေသည်။
ဆောင် - အများချစ်ခင်၊ သူတော်စဉ် ချဉ်းကပ်၊ ထွက်လတ် ကောင်းသတင်း၊ မကင်း လူ့ကျင့်ဝတ်၊ သေလတ် နတ်ပြည်၊ ဤငါးထွေ၊ မှတ်လေ ဒါနကျိုး။
မှတ်ချက် - ဂိဟိဓမ္မ(လူကျင့်ဝတ်တရား)အရကို အဋ္ဌကထာ၌ ငါးပါးသီလ-ဟု ဖွင့်ပြသည်၊ ဒါနကြောင့် သီလရှိနိုင်သည် ဟု ဆိုလိုဟန်တူသည်။
စွန့်ကြဲပေးကမ်းခြင်းသည်ပင်လျှင် လူ့ကျင့်ဝတ်တရား ဖြစ်သည်ဟုလည်း ဆိုနိုင်သည်။
ပဉ္စမသုတ် ပြီး၏။
Tuesday 22 February 2011
၅။ ဒါနာနိသံသသုတ်
အမျိုးအစား/ကဏ္ဍ
ဗုဒ္ဓသုတ်တော်များ(မြန်မာပြန်)
Subscribe to:
Post Comments (Atom)
No comments:
Post a Comment