ဘာသာရေးဆိုတာ

ဘာသာရေးဆိုတာ လူသားတွေ မိမိပိုင်ဆိုင်တဲ့ ဦးနှောက်ကို အဆင့်မြင့်မြင့် အသုံးချပြီး တွေးခေါ်ရာကနေ ပေါက်ဖွားလာတဲ့ အတွေးအခေါ်ပါပဲ။ လူသားကို အကျိုးပြုဘို့ပါ။ လူသားကို ယဉ်ကျေးတဲ့ သက်ရှိသတ္တ၀ါတွေဖြစ်လာအောင် ပြုလုပ်ပေးတယ်။ လူသားရဲ့ လိုအင်ဆန္ဒတွေကို ဖြည့်စွမ်းပေးတယ်။ မျှော်လင့်ချက်တွေ မွေးဖွားပေးတယ်။ လူသားတွေမှာ ဖြစ်ပေါ်နေတဲ့ ပြဿနာတွေကို ဖြေရှင်းပေးတယ်။ ဒါကြောင့် ဘာသာရေးကို ဝေဖန်ဆန်းစစ်တော့မယ်ဆိုရင် ဒီအချက်တွေကို ကိုင်ဆွဲပြီး ဝေဖန်ဆန်းစစ်သင့်တယ်။ စောစောက ပြောခဲ့တဲ့ သုဘလုလင်ရဲ့ မေးခွန်လေးတွေ ပြန်ကြည့်ရအောင်၊ ဒီမေးခွန်းလေးတွေဟာ လူသားတွေရဲ့ စိတ်မှာ ဖြစ်ပေါ်တက်တဲ့ ပြဿနာလေးတွေဘဲ၊ အရင်က နာမည်ကြီး စာရေးဆရာတစ်ယောက် ပြောဘူးတယ်။ သူဟာ ငယ်ငယ်က ဖန်ဆင်းရှင်ဝါဒကို ယုံကြည်သူတစ်ဦးပါ။ အသက်ကလေးရလာတော့ တောင်တွေး မြောက်တွေး တွေးတောလာတယ်။ ဒီအခါ ဖန်ဆင်းရှင်အပေါ် မကျေနပ်ချက်တွေ တွေးတွေ့လာခဲ့တယ်တဲ့။ အဲဒါက သူဟာ တောရွာက ဆင်းရဲတဲ့ မိသားစုမှ မွေးဖွားပြီး လူဖြစ်လာတာ အရွယ်ရောက်လို့ အိမ်ထောင်ကျပြီး မိသားစုနဲ့နေတော့လဲ မချမ်းသာဘူး၊ ဆင်းရဲတာဘဲ ဒီတော့ သူတွေးမိတယ်၊ ဘာကြောင့် ဖန်ဆင်းရှင်က သူ့ကို ဆင်းရဲ့တဲ့မိသားစုမှာ လူဖြစ်အောင် ဖန်ဆင်းပေးတာလဲပေါ့၊ ဖန်ဆင်းရှင် မကျေနပ်မကြိုက်တဲ့ ဘာအမှားတွေများ သူပြုခဲ့မိတာလဲ မတွေ့ဘူး။ ဖန်ဆင်းရှင် ချမှတ်ပေးတဲ့ စည်းကမ်းအတိုင်း သူနေခဲ့တာဘဲ၊ ဒါပေမဲ့ သူ မချမ်းသာပါဘူး၊ သူ့လောက်တောင် အနေအထိုင် မတော်တဲ့သူတွေက သူ့ထက်ချမ်းသားနေတာကိုလဲ တွေ့ရတော့ သူစိတ်ပျက်မိတယ်။ ဒါကြောင့် ဖန်ဆင်းရှင်ဝါဒကနေ ထွက်လာခဲ့တယ် ဆိုတာဘဲ။

လူသားတွေဟာ လူသားခြင်းတူပါလျှက် အဆင့်အတန်းမတူ ဖြစ်နေတာကို မကျေနပ်ပါဘူး၊ ဒါ လူသားမှာ ဖြစ်တတ်တဲ့ပြဿနာပါ။ ဒီပြဿနာကို ဘာသာရေးက ဖြေရှင်းပေးရပါမယ်။

မော်ကွန်းထိန်းဆရာတော် ဘဒ္ဒန္တကေသရ၏ ကမ္မ၀ါဒများနှင့် မိတ်ဆက်ပေးခြင်း စာအုပ်မှ ကောက်နုတ်တင်ပြသည်။