သံသရာကို လက်ခံ-လက်မခံ

ကမ္ဘာ့ဘာသာတွေကိုကြည့်ရင် သံသရာကို လက်ခံတဲ့ဘာသာရှိသလို လက်မခံတဲ့ ဘာသာလည်း တွေ့ရတယ်။ စောစောကပြောခဲ့တဲ့ ၀ါဒတွေထဲက အကိရိယ ၀ါဒတို့၊ အဟေတုက၀ါဒတို့၊ ဥစ္ဆေဒ၀ါဒတို့ဆိုတာက ကံနဲ့ ကံရဲ့အကျိုးကို ပယ်တဲ့ဝါဒတွေ၊ ဒါကြောင့် သံသရာရှိဖို့ မလိုအပ်တော့ဘူး၊ ကံတွေပြုလုပ်ဖို့ရယ်၊ ပြုပြီးကံတွေ အကျိုးပေးဖို့ရယ် သတ္တ၀ါအတွက် ဘ၀ဟာ တစ်ခုမက များစွာလိုလာတယ်၊ ဒါကြောင့် သံသရာ လက်ခံတဲ့ဘာသာမှာ ကံကိုလက်ခံလာရတယ်။

ဒီနေရာမှာ အကိရိယ၀ါဒရဲ့ အထူးလေး ပြောချင်ပါသေးတယ်၊ သူက ကံကိုတော့ လက်မခံဘူး၊ ဒါပေမဲ့ သတ္တ၀ါ မဟာကပ် (၈)သန်း (၄)သိန်းအထိ သံသရာလည်နေရမယ်၊ (၈)သန်း (၄)သိန်းပြည့်တဲ့အခါ သူ့အလိုလို သံသရာကလွတ်သွားမယ်၊ ဘာမှမလုပ်မနေနဲ့ အချိန်ကိုသာ ထိုင်စောင့်ဆိုတဲ့သဘော ပြောသေးတယ်။ အဲဒါကို သံသရာလို့ပြောရမှာ ခပ်ခက်ခက်ဘဲ၊ သူ့အယူအဆကိုတော့ ဒီအတိုင်းထားလိုက်ကြစို့။

ဒီနေ့ ကမ္ဘာမှာ လူအများစု ယုံကြည်နေတဲ့ ဘာသာအရ - လူသားတစ်ဦးဟာ ဖန်ဆင်းရှင်ကြီးက လူသားအဖြစ် ဖန်ဆင်းပေးလိုက်လို့ လူဖြစ်လာတယ် ဆိုပါစို့၊ ဒါဆိုရင် သူ့မှာ ဒီလူ့ဘ၀ရဲ့ အရင်က ဘ၀တစ်ခု မရှိခဲ့ဘူး၊ အခုမှ သတ္တ၀ါဖြစ်လာတယ်။ တစ်ခါ ဒီဘ၀က သေပြီးရင် ခန္ဓာကိုယ်မြှုပ်နှံတဲ့ သင်္ချိုင်းမှာဘဲ ၀ိညာဉ်အဖြစ်နဲ့ တည်နေရမယ်၊ အဲဒီ ၀ိညာဉ်ကို နောက်ဘ၀ လို့လဲမဆိုနိုင်ဘူး၊ ဘာကြောင့် ဒီဝိညာဉ်နဲ့ ရုပ်ခန္ဓာနဲ့တွဲပြီး လူသားအဖြစ် ဖန်ဆင်းပေးထားတာ ခန္ဓာကိုယ်ကသာ ပျက်စီးသွားတာ ၀ိညာဉ်က မပျက်စီးဘူး၊ အဲဒီ ၀ိညာဉ်မှာ လူအဖြစ်ရှင်သန်နေစဉ်ကာလက ပြုမူခဲ့တဲ့ အပြုအမူတွေ အားလုံကို မှတ်ထားတယ်၊ ဒါကို ဘုရားက သိတယ်၊ အဲဒီ မှတ်ချက်ကိုကြည့်ပြီး နောင်အခါ တရား ဆုံးဖြတ်တဲ့နေ့ကျရင် ဘုရားကဆုံးဖြတ်ပြီး သူ့ကို သုခဘုံသို့၎င်း၊ ဒုက္ခဘုံသို့၎င်း ပို့ပေးလိမ့်မယ်၊ အဲဒီသုခဘုံ၊ ဒုက္ခဘုံမှာ နေထိုင်ရတဲ့ဘ၀ကို လူသားရဲ့ အနာဂတ်ဘ၀ လို့ဆိုရင်တော့ရတယ်၊ ဒီဘာသာအရ အတိတ်ဘ၀မရှိ အနာဂတ်ဘ၀လည်း တစ်ခုဘဲရှိတယ်ဆိုပါစို့၊ ဒါကြောင့် ဒီဘာသာဟာ သံသရာကို လက်မခံတဲ့သဘော စာရင်းမှာ ထည့်ရမယ်။

သံသရာကို လက်ခံတဲ့ဝါဒတွေကတော့ ဟိန္ဒူနဲ့ ဗုဒ္ဓဘာသာဘဲ၊ သတ္တ၀ါတစ်ဦးဟာ အခုဖြစ်နေတဲ့ဘ၀ရဲ့ ရှေးက ဘ၀ပေါင်းများစွာ သတ္တ၀ါတွေဖြစ်ခဲ့ဘူးတယ်၊ နောင်အနာဂတ် မှာလည်း ဘ၀တွေများစွာ ဖြစ်နေဦးမယ်၊ အဲဒီဘ၀တွေဆိုတာ လူ၊ နတ်၊ ဗြဟ္မာ၊ တိရစ္ဆာန်၊ ငရဲ၊ ပြိတ္တာမျိုးစုံကို ဆိုတာ၊ ဒီလိုဘ၀တွေများ ကျင်လည်တဲ့အခိုက်မှာ အဲဒီသတ္တ၀ါတွေဟာ သူပြုခဲ့တဲ့ ကောင်း၊ မကောင်းကံတွေရဲ့ အကျိုးတွေကို ခံစားနေရတယ်၊ ကောင်းတဲ့ကံက အကျိုးပေးတဲ့အခါ ချမ်းသာသုခ ခံစားရပြီး၊ မကောင်းတဲ့ ကံက အကျိုးပေးတဲ့အခါ ဆင်းရဲဒုက္ခ ခံစားရတယ်၊ ကောင်းတဲ့ကံကြောင့် ကောင်းတဲ့ ဘုံဘ၀တွေမှာရောက်ပြီး မကောင်းတဲ့ကံကြောင့် မကောင်းတဲ့ ဘုံဘ၀တွေမှာ ရောက်ကြရတယ်လို့ ယုံကြည်တယ်။

ဗုဒ္ဓဘာသာဟိန္ဒူ မတူတဲ့အချက်က အဲဒီကံရဲ့ အကျိုး ခံစားရတဲ့အပိုင်းမှာ အမြင်ကွဲသွားတာဘဲ၊ ဘယ်လိုလဲဆိုတော့ ဟိန္ဒူက သတ္တ၀ါမှာ မပျက်မစီး အမြဲတည်တဲ့ အတ္တရှိတယ်၊ သတ္တ၀ါသေပြီဆိုရင် ရုပ်နာမ်ခန္ဓာကြီးကသာ ပျက်စီးသွားတယ်၊ အတ္တက မပျက်စီးဘူး၊ သူက နောက်တစ်ဘ၀ကို ပြောင်းသွားတယ်လို့ ယူဆတယ်၊ အဲဒီသတ္တ၀ါပြုသမျှ ကောင်း-မကောင်းကံတွေက အဲဒီ အတ္တနဲ့အတူပါသွားပြီး ဖြစ်လေရာဘ၀မှာ အကျိုးပေးတော့တာဘဲ၊ ကံရဲ့ အကျိုးကို ရှောင်လို့မရဘူး၊ ခံစရာ ရှိရင်ခံ၊ စံစရာရှိရင်စံဘဲ။

ဗုဒ္ဓဘာသာမှာက အဲဒီအတ္တဆိုတာကို လက်မခံဘူး၊ အနတ္တ၀ါဒ၊ သတ္တ၀ါမျာ ရုပ်နဲ့နာမ် ဒါဘဲရှိတယ်၊ ဒါကြောင့် သတ္တ၀ါသေရင် ရုပ်ရော နာမ်ရော ပျက်စီးသွားတယ်၊ နောက်ဘ၀အသစ်ထဲကို ဒီဘ၀ဟောင်းက ဘာမှပြောင်းရွှေ့ သွားတဲ့အရာဆိုတာ မရှိဘူးလို့ ယုံကြည်တယ်၊ ဒါဆိုရင် ဒီဘ၀ပြုတဲ့ကံတွေက နောက်ဘ၀ကို ဘယ်လိုလိုက်ပြီး အကျိုးပေးမလဲ၊ ဒါ ဒီမေးခွန်းကို ဗုဒ္ဓဘာသာက ဒီလို ဖြေပါတယ်။

သတ္တ၀ါတစ်ဦးဟာ ကောင်းတာဘဲဖြစ်ဖြစ် ဆိုးတာပဲဖြစ်ဖြစ် အပြုအမူတစ်ခု ပြုပြီဆိုရင် အဲဒီသတ္တ၀ါရဲ့ စိတ်ထဲမှာ ဒီအမူကို ပြုလိုတဲ့စိတ်ဖြစ်တယ်၊ အဲဒီပြုလိုတဲ့စိတ်ဆိုတာ အဘိဓမ္မာစကားလုံးနဲ့ပြောရရင် စေတနာပေါ့။ သူကတိုက်တွန်းလို့ပြုဖြစ်တာ၊ အပြုအမူဆိုတာ ရုပ်ဒြပ်မှာဖြစ်တယ်၊ ဥပမာ - သူတစ်ဦးကို သတ်တယ် ဆိုပါတော့၊ ရုပ်ဝတ္ထုနဲ့ သတ်ရတယ်၊ နာမ်တရားက သတ်ချင်တဲ့သဘော၊ သတ်ချင်လို့ သတ်လိုက်တယ်၊ သတ်ချင်တဲ့ နာမ်ရော၊ သတ်တဲ့ရုပ်ရော မြဲတဲ့တရားမဟုတ်လို့ ဖြစ်ပြီးပျက်သွားတယ်၊ ဒါဖြင့် ဘာကျန်လဲ၊ အဲဒီသတ်ချင်တဲ့ စေတနာ၊ နာမ်တရားချုပ်သွားတဲ့အခါမှာ ကံသတ္တိကလေး ကျန်ရစ်တယ်၊ ဘယ်မှာ တည်သလဲ၊ နာမ် ခန္ဓာအစဉ်မှာ တည်တယ်၊ နာမ်ခန္ဓာ အစဉ်ရှိသ၍ လိုက်ပါနေနိုင်တာ။ ဒါဗုဒ္ဓဘာသာရဲ့ နက်နဲတဲ့အတွေးပဲ။ ဒီလိုနည်းနဲ့ ကံတွေဟာ ဘ၀တစ်ခုကနေ နောက်ဘ၀တစ်ခုစီကို လိုက်ပါနေကြတာ။ အဲဒီ ကံသတ္တိဆိုတာ နာမ်လည်း မဟုတ်ဘူး။ ရုပ်လည်း မဟုတ်ဘူး။ အကျိုးဖြစ်စေတက်တဲ့ သဘောကလေး သက်သက်ပဲ။ ဒါကြောင့်သူက မပျက်စီးဘူး။ နာမ်ခန္ဓာ အစဉ်ရှိသရွေ့ တည်နိုင်တယ်။

ဟိန္ဒူဝါဒက အတ္တလေးထဲမှာ ကံတွေပါသွားတယ်။ ဒီအတ္တလေး ဘ၀တစ်ခုကနေ ဘ၀တစ်ခုကို ကူးပြောင်းတယ်။ ဒီအတ္တလေးက ခန္ဓာကိုယ် အဟောင်းစွန့်ပြီး ခန္ဓာကိုယ်အသစ်ထဲ ၀င်သွားတယ်လို့ ယူဆတယ်။ ဒီနေရာမှာ ဘ၀သစ်၊ ဘ၀ဟောင်း အဆက်အစပ်နဲ့ ပတ်သက်ပြီး စဉ်းစားကြည့်ရအောင်။

B.A အဆင့် ပညာသင်ကြားပြီးတဲ့ လူတစ်ယောက် သေသွားပြီး လူပြန်ဖြစ်တယ်ဆိုပါတော့။ ဒီသေသွားတဲ့လူဘဲ နောက်ဘ၀ အသစ်ပြန် ဖြစ်ရင် မွေးပြီးတာနဲ့ သူဟာ M.A ကို တန်းတက်နိုင် ရမှာပေါ့ အခု အဲဒီလို မတက်နိုင်ဘူး။ ကကြီးခခွေးကစပြီး သင်ရတာပဲမဟုတ်လား။ ဒါနဲ့ ထောက်ကြည့်ယင် ဘ၀ဟောင်းနဲ့ ဘ၀သစ် လုံးဝအဆက်အစပ် မရှိဘူးလို့ ယူဆတဲ့ ၀ါဒက သဘာဝကျပါတယ်။

မော်ကွန်းထိန်းဆရာတော် ဘဒ္ဒန္တကေသရ၏ ကမ္မ၀ါဒများနှင့် မိတ်ဆက်ပေးခြင်း စာအုပ်မှ ကောက်နုတ်တင်ပြသည်။