ဘာသာတရားဆိုတာ လူသားရဲ့ မျှော်လင့်ချက်ကို ဖြည့်ဆည်းပေးဖို့ဘဲ သံသရာရှိတယ်လို့ ယူဆထားတဲ့ ပုဂ္ဂိုလ်တွေမှာ အခုဘ၀အခြေအနေအရ မလုပ်နိုင်တာတွေ လုပ်သော်လည်း မဖြစ်တာတွေရှိရင် တကယ်တော့ ရှိလည်းရှိတာပါဘဲ။ အဲဒါတွေ သံသရာမှ လုပ်နိုင်ခွင့်ရမယ်။ ဆိုကြပါစို့ လူတစ်ယောက်ဟာ ငယ်ရွယ်စဉ်အခါက မိုက်လာခဲ့တယ်။ အခြေအနေအရပေါ့ မိမိနဲ့ ဘ၀တူ လူသားတွေရဲ့ ကောင်းကျိုးဆိုလို့ ဘာမှ လုပ်မပေးနိုင်ခဲ့ဘူး။ ဆိုကျိုးတွေသာ လုပ်နိုင်ခဲ့တယ်။ အသက်အရွယ်လေး ရလာတော့ သတိတရား ရလာတယ်။ လူသားတွေရဲ့ ကောင်းကျိုး လုပ်ချင်လာတယ်၊ ဒါပေမယ့် အရွယ်က အိုလာပြီး အခြေအနေမပေးတော့ဘူး။ ရောဂါဖိစီးလာပြီး လုပ်ချင်ပါလျှက် မလုပ်နိုင် အဲဒီလိုနဲ့ သေသွားရော။ နောက်ဘ၀ဆိုတာ မရှိဘူး၊ ဒီဘ၀ဘဲ ရှိတယ်ဆိုရင် အဲဒီလူအတွက် သူ့ဘ၀ကို သူ့စိတ်ကြိုက် ပြန်မပြင်နိုင်တော့ဘူး။ မပြင်နိုင်တဲ့အတွက် သူရလာခဲ့တဲ့ ဘ၀ဟာလည်း သူ့ရဲ့ စိတ်ကြိုက်ဘ၀ မဖြစ်ခဲ့ဘူ။ ဒါဆိုရင် သူဘာလုပ်မလဲ။ ကျွန်ုပ် မှားခဲ့ပါတယ်၊ ကျွန်ုပ်ရဲ့ အမှားတွေကို ဘုရားသခင် သည်းခံခွင့်လွှတ်ပါဆိုပြီး တိုးလျှိုတောင်းပန်ရုံမှတစ်ပါး အခြားမရှိတော့ဘူး။ အကယ်၍ သံသရာကို လက်ခံရင် ဒီဘ၀မိုက်ပြစ် မိုက်ကျွေးကို နောက်ဘ၀မှာ ပြန်ဆပ်ပါမယ်ဆို ပြီးတာဘဲ။
နောက်တစ်ခု - လူငယ်တစ်ယောက် ကိုယ်ချစ်တဲ့သူနဲ့ အခြေအနေအရ လက်မထပ်ဖြစ်ခဲ့ဘူး။ လွဲခဲ့ရတယ်ဆိုပါတော့။ အဲဒီလူငယ်အကြောင်း မတော်လို့ သေသွားရင် နောက်ဘ၀ဆိုတာမရှိခဲ့ရင် ကိုယ်ချစ်သူနဲ့ ပြန်ပေါင်းဆုံခွင့် ဘယ်မှာ ရှိတော့မလဲ။ ၀ိညာဉ်ဘ၀နဲ့ ရှင်သန်နေစဉ်မျာလဲ၊ ကိုယ်ချစ်သူက အခြားတစ်ယောက်နဲ့ ဘုန်းတော်ကြီးရဲ့ ရှေ့မှောက်မှာ လက်ထပ်ထားတာဆိုတော့ အဲဒီလက်ထပ်မူက တရားဝင် ရှိနေသေးတော့ မြင်သာမြင် မကြင်ရဖြစ်နေမှာပေါ့။ မျှော်လင့်ချက်ကင်းမဲ့သွားတာပေါ့။ ဘ၀သံသရာရှိတယ်ဆိုရင်တော့ ဒီဘ၀လွဲရပေမယ့် နောက်ဘ၀မှာ ပြန်လည်ဆုံဆည်းခွင့် ရနိုင်တာပေါ့။ “ဒီဘ၀ မဆုံရရင် နောက်ဘ၀” ဆိုတဲ့စကားဟာ သံသရာလက်ခံတဲ့ ဘာသာဝင်တွေအတွက်ပါ။ သံသရာကို လက်မခံရင် ဆုံနိုင်ခွင့်မရှိတော့ဘူး။ ဆက်စဉ်းစားကြည့်ကြပါ။
မော်ကွန်းထိန်းဆရာတော် ဘဒ္ဒန္တကေသရ၏ ကမ္မ၀ါဒများနှင့် မိတ်ဆက်ပေးခြင်း စာအုပ်မှ ကောက်နုတ်တင်ပြသည်။
Friday 25 February 2011
သံသရာကိုလက်ခံသည့်အကျိုး
အမျိုးအစား/ကဏ္ဍ
ဓမ္မဆောင်းပါး
Subscribe to:
Post Comments (Atom)
No comments:
Post a Comment