ရဟန်းတို့ ! အမျိုး၌ သူတော်ကောင်း ဖြစ်ပေါ်လာသောအခါ လူပေါင်းများစွာတို့ အကျိုးရှိရန် အစီးအပွါး ဖြစ်ရန် ချမ်းသာရန် ဖြစ်သည်။
၁။ မိဘ၊
၂။ သားမယား၊
၃။ ကျွန် အမူလုပ်၊
၎။ အဆွေခင်ပွန်း၊
၅။ သမဏ ဗြာဟ္မဏတို့ အစီးအပွါး ဖြစ်ရန် ချမ်းသာရန် ဖြစ်သည်။
ဥပမာ - ကြီးစွာသော မိုးသည် ကောက်စပါးအားလုံးကို ကောင်းစွာ ပြည့်စုံစေသည်ဖြစ်၍ လူအများအကျိုးရှိရန် အစီးအပွါးဖြစ်ရန် ချမ်းသာရန် ဖြစ်သကဲ့သို့တည်း။
ဤသို့ မိန့်တော်မူပြီး ပါဠိကဗျာ ဂါထာဖြင့် မိန့်တော်မူပြန်သည်မှာ -
“အကျိုးစီးပွါး ရွက်ဆောင်သူသည် လူအများ၏ စည်းစိမ်ကို ဖြစ်စေသည်၊ တရားစောင့်၍ အကြားအမြင်များသူ အကျင့်သီလပြည့်စုံသည့် သူတော်ကောင်းကို နတ်အပေါင်းက စောင့်ရှောက်သည်၊ တရား၌ တည်သူကို ကျော်စောထင်ရှားခြင်းက မစွန့်လွှတ်။
တရား၌လည်း တည်၊ သီလနှင့်လည်း ပြည့်စုံ၊ မှန်သောစကားကိုလည်း ဆိုလေ့ရှိပြီး မကောင်းမူကိုလည်း ရှက်စိတ်ရှိသူကို ၁-နိက္ခရှိ ဇမ္ဗူရာဇ် ရွှေစင်ကဲ့သို့ ဘယ်သူက ကဲ့ရဲ့ထိုက်ပါ့မလဲ၊ သူ့ကို နတ်, ဗြဟ္မာများက ချီးမွမ်းကြသည်။”
ဆောင် - သူတော်ကောင်းသာ၊ ဖြစ်ပေါ်လာက၊ မိဘ, သားမယား၊ ကျွန်များ, မိတ်ဆွေ၊ တစ်ထွေ သမဏ၊ ဗြာဟ္မဏတို့၊ ကျိုးရဖို့ရန်၊ ချမ်းသာရန်၊ ဧကန်ဖြစ်ပေသည်။
ဒုတိယသုတ် ပြီး၏။
Sunday 27 February 2011
၂။ သပ္ပုရိသသုတ်
အမျိုးအစား/ကဏ္ဍ
ဗုဒ္ဓသုတ်တော်များ(မြန်မာပြန်)
Subscribe to:
Post Comments (Atom)
No comments:
Post a Comment