ကံက အကောင်းအဆိုး နှစ်မျိုးရှိတယ်။ ကုသိုလ် အကုသိုလ်ပေါ့။ ကံတစ်ခုအကျိုးပေးနေယင် နောက်တစ်ခု တစ်ပြိုင်နက် ၀င်အကျိုးပေးလို့မရဘူး။ တစ်ချိန်မှာ ကံတစ်ခုဘဲ အကျိုးပေးလို့ရတယ်။ ဒါပေမယ့် အကောင်းကံနဲ့ အဆိုးကံ အင်အားအကြီးအသေးပေါ် မူတည်ပြီး ကံတစ်ခုက ကံတစ်ခုကိုဖယ်ရှားပြီး အကျိုးပေးနိုင်တယ်၊ ဥပမာ-ကုသိုလ်ကံ အကျိုးပေးနေချိန်မှာ သူထက် အားကောင်းတဲ့ အကုသိုလ်ကံဝင်လာပြီး ကုသိုလ်ကံကို ဖယ်ရှားပြီး အကျိုးပေးလို့ရတယ်။
သတ္တ၀ါတစ်ဦး ဘ၀တစ်ခုရလာအောင် ပြုပေးတဲ့ကံရယ် ဘ၀ရလာပြီး အသက်ဆက်လက် ရှင်သန်နေအောင် ထောက်ပံ့ပေးတဲ့ကံရယ်လို့ အမျိုးအစား ကွဲပြားသေးတယ်။ ဥပမာ-လူ့ဘ၀မှာ လူလာဖြစ်အောင် ပြုပေးတဲ့ကံ၊ လူ့ပြည်က ကောင်းတဲ့ဘုံဌာနဖြစ်လို့ ကုသိုလ်ကံက ပို့ပေးတာပေါ့။ အဲဒီကံက လူဖြစ်အောင် ပြုပေးပြီးရင် သူ့တာဝန်ကျေပြီ၊ နောက် လူ့ဘ၀ရှင်သန်အောင် ထောက်ပံ့ပေးတဲ့ကံ သူကကျတော့ ကုသိုလ် အကုသိုလ် နှစ်မျိုးစလုံး ပေးနိုင်တယ်။ တစ်လှည့်စီပေါ့။ ကုသိုလ်ကံ အကျိုးပေးနေရင် ချမ်းသာပြီး အကုသိုလ်ကံ ၀င်လာရင် ဆင်းရဲတော့တာပေါ့။ အဲဒီ ထောက်ပံ့ပေးတဲ့ ကံတွေကုန်သွားရင် ကံကုန်လို့ သေတယ် ခေါ်တာပေါ့။ ကံကတော့ မကုန်သေးဘူး။ ဒါပေမယ့် အခြားကံတစ်ခု အကုသိုလ်ကံ ၀င်ဖြတ်တောက်ပစ်လိုက်ရင်လည်း ကံပြတ်သွားတာပေါ့။ ကံတစ်ခုက ကံတစ်ခုကို ဖြတ်ပစ်လို့လည်းရတယ်။ လုံးဝပယ်သတ်ပစ်လို့လည်းရတယ်။ ရဟန္တာပုဂ္ဂိုလ်တွေ သူတို့ရတဲ့ အရဟတ္တမဂ် ကုသိုလ်နဲ့ ဘ၀များစွာက ပြုလာခဲ့တဲ့ နောက်ထပ်ပဋိသန္ဓေ အကျိုးပေးမဲ့ကံတွေကို လုံးဝ ပယ်သတ်ပစ်လိုက်တယ်။ ဒါကြောင့် ရဟန္တာမှာ နောက်ဘ၀ဆိုတာ မရှိတော့ဘူး။
မော်ကွန်းထိန်းဆရာတော် ဘဒ္ဒန္တကေသရ၏ ကမ္မ၀ါဒများနှင့် မိတ်ဆက်ပေးခြင်း စာအုပ်မှ ကောက်နုတ်တင်ပြသည်။
Sunday 27 February 2011
ကံအကျိုးပေးပုံ
အမျိုးအစား/ကဏ္ဍ
ကံ - ဆိုင်ရာသိမှတ်ဖွယ်များ
Subscribe to:
Post Comments (Atom)
No comments:
Post a Comment