၎။ မနာပဒါယီသုတ်

ဝေသာလီပြည် မဟာဝုန်တော အထွတ်တပ်သော ကျောင်းကြီး၌ သီတင်းသုံး နေတော်မူသော မြတ်စွာဘုရားသည် နံနက်အချိန်၌ သင်္ကန်းကို ပြင်ဝတ်၍ သပိတ်, သင်္ကန်းကို ယူဆောင်ပြီး ဝေသာလီပြည်သား ဥဂ္ဂသူကြွယ်အိမ်သို့ ကြွကာ ခင်းထားအပ်သည့် နေရာ၌ ထိုင်နေတော်မူသည်။

ထိုအခါ ဥဂ္ဂသူကြွယ်သည် မြတ်စွာဘုရားထံ ချဉ်းကပ်ကာ ရှိခိုးပြီး သင့်တင့်သော နေရာ၌ ထိုင်လျက် မြတ်စွာဘုရားကို ဤသို့ လျှောက်သည် -

“အရှင်ဘုရား ! “နှစ်သက်ဖွယ် ၀တ္ထုကို ပေးလှူသူသည် နှစ်သက်ဖွယ် အကျိုးကို ရသည်” ဟူသော ဤစကားကို မြတ်စွာဘုရားမျက်မှောက်တော်မှ တပည့်တော် ကြားနာရဖူး, ခံယူရဖူပါသည်။

တပည့်တော်၏ -

ခဲဖွယ်သည် အင်ကြင်းပွင့် အဆင်းရှိပြီး နှစ်ခြိုက်ဖွယ် ကောင်းလှပါသည်၊ တပည့်တော်ကို သနားစောင့်ရှောက်သောအားဖြင့် ထိုခဲဖွယ်ကို အလှူခံတော်မူပါ” ဟု လျှောက်သည်။

မြတ်စွာဘုရားသည် သနားစောင့်ရှောက်သောအားဖြင့် အလှူခံတော်မူသည်။

တဖန် -

“တပည့်ကောင်း၏ -

ဆီးသီးဖြင့် စီမံထားသော ၀က်သားဟင်း၊

ကန်စွန်းရွက် ဆီပြန်ကြော်၊

အရည်သောက် ဟင်းနှင့် အသားဟင်းလျာလည်း များစွာ ပါရှိပြီး အပြစ်လည်းကင်းသည့် သလေးဆွမ်း၊

ကာသိကတိုင်းဖြစ် အ၀တ်တို့သည်လည်း နှစ်သက်ဖွယ် ကောင်းလှပါသည်၊ တပည့်တော်အား သနားစောင့်ရှောက်သောအားဖြင့် ထို ပစ္စည်းများကို အလှူခံတော်မူပါ” ဟု လျှောက်ပြန်သည်။

မြတ်စွာဘုရားလည်း သနားစောင့်ရှောက်တော်မူသောအားဖြင့် အလှူခံတော်မူပါသည်။

၎င်းပြင် -

“တပည့်တော်၏ -

ပလ္လင်, မွေးရှည် ကော်ဇော်ကြီး, ပန်းပြောက်ခြောက် သားမွေးအခင်း, ၀ံပိုင့်ရေအခင်း, နီသောမျက်နှာကြက်နှင့် အုံးနီနှစ်ဖက်ရှိ နေရာများသည် နှစ်သက်ဖွယ် ကောင်းလှပါသည်၊ “ဤပစ္စည်းများကား မြတ်စွာဘုရားနှင့် လုံးဝ မအပ်စပ်” ဟု တပည့်တော်များလည်း သိကြပါသည်။

သို့သော် တပည့်တော်တို့၏ ဤစန္ဒကူးနှစ် ထိုင်ခုံသည် တသိန်းကျော် တန်ပါသည်၊ တပည့်တော်အား သနားစောင့်ရှောက်သောအားဖြင့် ထိုအသုံးအဆောင်ဝတ္တုတို့ကို အလှူခံတော်မူပါ” ဟု လျှောက်သည်။

မြတ်စွာဘုရားလည်း သနားစောင့်ရှောက်သေားအားဖြင့် အပ်စပ်သည်များကို အလှူခံတော်မူသည်။

ထို့နောက် မြတ်စွာဘုရားသည် ဥဂ္ဂသူကြွယ်ကို -

“နှစ်သက်ဖွယ် ၀တ္ထုကို ပေးလှူသူသည် နှစ်သက်ဖွယ် အကျိုးကို ရရှိနိုင်သည်၊ စိတ်နှလုံးဖြောင့်မတ်သည့် လယ်ယာမြေကောင်းသဖွယ် ဖြစ်သော ရဟန္တာပုဂ္ဂိုလ်တို့၌ အ၀တ်, အိပ်ရာနေရာ, ဆွမ်းဘောဇဉ် အဖျော်စသော အထူးထူးသော ပစ္စည်းတို့ကို စိတ်ပါလက်ပါ ပေးလှူသည်၊ စွန့်လွှတ်သည်၊ ချီးမြှောက်သည်။

နှစ်သက်ဖွယ် ပေးလှူသူ သူတော်ကောင်းသည် စွန့်နိုင်ခဲ့သည်ကို စွန့်၍ နှစ်သက်ဖွယ်အကျိုးကို ရသည်” ဟု အနုမောဓနာတရား ဟောကြားတော်မူပြီး နေရာမှထကာ ပြန်ကြွတော်မူသည်။ (အနုမောဒနာ - ၀မ်းသာစရာ)

အခါတပါး၌ ဥဂ္ဂသူကြွယ်သည် ကွယ်လွန်သွားလေသည်၊ ကွယ်လွန်သွားသောအခါ သုဒ္ဓါဝါသ ဗြဟ္မာ့ဘုံ၌ ဖြစ်လေသည်။
မြတ်စွာဘုရား သာဝတ္ထိပြည် အနာထပိဏ်သူဌေး၏ ဇေတ၀န်ကျောင်း အာရာမ်၌ သီတင်းသုံးနေတော်မူစဉ် ထိုဥဂ္ဂဗြဟ္မာသည် ညဉ့်ဦးယံလွန်ပြီးသော သန်ခေါင်ယာမ်အခါ၌ အလွန်နှစ်သက်ဖွယ် အဆင်းဖြင့် ဇေတ၀န်တစ်ကျောင်းလုံးကို ထိန်လင်းစေလျက် မြတ်စွာဘုရားထံ လာရောက်ဖူးမြင်သည် -

“ဥဂ္ဂ ! သင်အလိုရှိတိုင်း ပြည့်စုံပါသလော?။”

“အရှင်ဘုရား ! တပည့်တော် အလိုရှိတိုင်း ဧကန်ပြည့်စုံပါသည်။”

ထိုအခါ ဘုရားရှင်က ဤသို့ ပါဠိကဗျာဖြင့် မိန့်တော်မူပါသည် -

“နှစ်သက်ဖွယ်ကို ပေးလှူသူသည် နှစ်သက်ဖွယ်ကို ရသည်၊ မွန်မြတ်သည်ကို ပေးလှူသူသည် တဖန် မွန်မြတ်သည်ကို ရသည်၊ တောင့်တအပ်သည်ကို ပေးလှူသူသည် တောင့်တအပ်သည်ကို ရသည်၊ ချီးမွမ်းအပ်သည်ကို ပေးလှူသူသည် ချီးမွမ်းအပ်သည့် ဌာနသို့ ရောက်ရလေသည်။

အထွတ်အမြတ်ထားအပ်, တောင့်တအပ်, ချီးမွမ်းအပ်သော ၀တ္ထုကို ပေးလှူလေ့ရှိသူသည် ဖြစ်လေရာရာ ဘုံဘ၀၌ အသက်ရှည်ခြင်း၊ အခြွေအရံများခြင်း ဖြစ်ရသည်။”

ဆောင် - နှစ်ခြိုက်ဖွယ်ဟူ၊ ပေးလှူသူ၊ ရမူ နှစ်ခြိုက်ဖွယ်။

မှတ်ချက် - ဤ၌ အပ်စပ်သော ပစ္စည်း - ဆိုသော်လည်း အကုန်လုံး မအပ်စပ်သည်မဟုတ်၊ မအပ်စပ်သောပစ္စည်းများ ရောပါနေ၍သာ မအပ်စပ်ဟု ဆိုသည်၊ တကယ် လှူဒါန်းသောအခါ မအပ်စပ်သော ပစ္စည်းများကို ရောင်းချပြီး အပ်စပ်သော ပစ္စည်းများကို ၀ယ်ယူ၍ လှူဒါန်းခြင်းဖြစ်သည်။

စတုတ္ထသုတ် ပြီး၏။