ခုလည်း ဆင်းရဲ,နောင် ငရဲ
ရဟန်းတို့ ! ၁။ သဒ္ဓါ, ၂။ ဟိရီ, ၃။သြတ္တပ္ပ, ၄။ ၀ီရိယ, ၅။ ပညာ။
ဤတရား ငါးမျိုး မရှိသော (ချို့ယွင်း ကင်းကွာသော) ရဟန်းသည် ယခုဘ၀၌ပင် ငြိုငြင်,ပင်ပန်းစွာ,ပူပန်လျက် နေထိုင်ရသည်၊ ခန္ဓာပျက်ကြွေ သေဆုံးပြီးနောက် ဒုဂ္ဂတိဘ၀သို့ ဧကန် ရောက်ရသည်။ (ဒုဂ္ဂတိ - မကောင်းသော လားရာ)
ခုလည်း ချမ်းသာ, နောင် နတ်ရွာ
အဆိုပါ တရား ၅-မျိုးရှိသော(ပြည့်စုံသော လက်ကိုင်ထားသော) ရဟန်းသည် ယခုဘ၀၌ပင် မငြိုမငြင်, မပင်မပန်, မပူပန်ရဘဲ ချမ်းချမ်းသာသာ နေထိုင်ရသည်၊ ခန္ဓာပျက်ကြွေ သေဆုံးပြီးနောက် သုဂတိဘ၀သို့ ဧကန် ရောက်ရသည်။ (သုဂတိ - ကောင်းသောလားရာ)
ဆောင် - ဗလ ငါးတန်၊ ချွတ်ယွင်းပြန်မူ၊ ခုမူ ဆင်းရဲ၊ နောက်မှာလဲ၊ ငရဲရောက်မည်သိ။
ဗလ ငါးတန်၊ ပြည့်စုံပြန်မူ၊ ခုမူ ချမ်းသာ၊ နောင်အခါ၊ ရောက်မှာ သုဂတိ။
မှတ်ချက် - ဤသုတ် မြန်မာပြန်ရာ၌ အဿဒ္ဓေါ - စသည်ကို သဒ္ဓါမရှိသော ရဟန်းစသည်ဖြင့် အသီးသီး ပြန်ရမည်ဖြစ်လျက် “သဒ္ဓါ, ဟိရီ, သြတ္တပ္ပ, ၀ီရိယ, ပညာ မရှိသော ရဟန်း” ဟု နားလည်လွယ်အောင် ပေါင်းပြန်သည်။
တတိယသုတ် ပြီး၏။
Thursday 17 February 2011
၃။ ဒုက္ခသုတ်
Subscribe to:
Post Comments (Atom)
No comments:
Post a Comment