၃၆၈။ ပဉ္စာလတိုင်းသူတို့၏ ရထားစီးချင်း မင်းထက်မင်း ဖြစ်သော ဗြဟ္မဒတ်မည်သော မင်းသည် ဖြစ်ခဲ့ဘုး၏၊ ထိုဗြဟ္မဒတ်မင်းသည် နေ့ညဉ့်ကာလ ရှည်လျားကုန်လွန်လတ်သော် နတ်ရွာစံခဲ့လေ၏။
၃၆၉။ ထိုမင်း၏ ဥဗ္ဗရိမည်သော မိဖုရားသည် သုသာန်သို့ သွား၍ ဗြဟ္မဒတ်မင်းကို မမြင်ရသည်ဖြစ်ပါလျက် “ဗြဟ္မဒတ်မင်းမြတ်”ဟု ငိုကြွေး မြည်တမ်း၏။
၃၇၀။ အကျင့်နှင့် ပြည့်စုံ၍ ပညာရှိသော ရသေ့သည် ထိုသုသာန်သို့ ရောက်လာခဲ့ပြီ၊ ထိုရသေ့သည် ထိုသုသာန်၌ အညီအညွတ် စုဝေးရောက်လာကြကုန်သော သူတို့ကို မေး၏၊
၃၇၁။ အထူးထူးသော အနံ့တို့ဖြင့် ထုံအပ်သော ဤသင်းချိုင်းသည် အဘယ်သူ၏ သင်းချိုင်းနည်း၊ အကြင်မိန်းမသည် ဤလူ့ဘ၀မှ တမလွန်ဘ၀ဟူသော အဝေးသို့ ပြောင်းသွားသော ဗြဟ္မဒတ်မည်သော လင်ကို မတွေ့မမြင်ရပဲလျက် ဗြဟ္မဒတ်မင်းဟု ငိုယိုမြည်တမ်းနေဘိ၏၊ ယင်းသို့ ငိုကြွေးမြည်တမ်းနေသော ဤမိန်းမသည် အဘယ်သူ၏ မယားနည်း (ဟု မေး၏)။
၃၇၂။ (ထိုသို့မေးသည်ရှိသော်) ထိုသုသာန်၌ အညီအညွတ် စုဝေးရောက်လာကြကုန်သော သူတို့က (ဤသို့) ဖြေကြားကြကုန်၏၊ “အရှင်ရသေ့ ထိုသင်းချိုင်းသည် ထိုသင်းချိုင်းသည် ဗြဟ္မဒတ်မင်း၏ သင်းချိုင်းပါတည်း။
၃၇၃။ အထူးထူးသော အနံ့တို့ဖြင့် ထုံအပ်သော ဤသင်းချိုင်းသည် ထိုဗြဟ္မဒတ်မင်း၏ သင်းချိုင်းပါတည်း၊ ဤလူ့ဘ၀မှ တမလွန်ဘ၀ဟူသော အဝေးသို့ ပြောင်းသွားသော ဗြဟ္မဒတ်မည်သော လင်ကို မတွေ့မမြင်ရပါပဲလျက် ဗြဟ္မဒတ်မင်းဟု ငိုယိုမြည်တမ်းသော ဤမိန်းမသည် ထိုဗြဟ္မဒတ်မင်း၏ မိဖုရားပါတည်း” (ဟု ဖြေကြားကုန်၏)။
၃၇၄။ ဤသင်းချိုင်း၌ မီးရိူု့အပ်ကုန်သော ဗြဟ္မဒတ်ဟု အမည်ရသူတို့သည် ရှစ်သောင်းခြောက်ထောင်မျှ ရှိကုန်၏၊ ထိုရှစ်သောင်းခြောက်ထောင်သော ဗြဟ္မဒတ်မင်းတို့တွင် အဘယ်ဗြဟ္မဒတ်မင်းကို (စွဲမှီ၍) ပူဆွေးဘိသနည်း (ဟု ရသေ့က မေး၏)။
၃၇၅။ အရှင်ဘုရား ပဉ္စာလတိုင်းသူတို့၏ ရထားစီးချင်း မင်းထက်မင်းဖြစ်သော အကြင်ဗြဟ္မဒတ်မင်းသည် စူဠနီမင်း၏ သားပါတည်း၊ အလုံးစုံသော အလိုကို ပေးတတ်သော ဗြဟ္မဒတ်မည်သော ထိုလင်ကို(စွဲမှီ၍) ပူဆွေးရပါ၏ (ဟု ဥဗ္ဗရိ - က ဖြေ၏)။
၃၇၆။ အလုံးစုံ ရှစ်သောင်းခြောက်ထောင်ကုန်သော မင်းတို့သည် ဗြဟ္မဒတ်မင်းဟူသော အမည်ရှိကုန်သည်ချည်းသာတည်း၊ အလုံးစုံ ရှစ်သောင်း ခြောက်ထောင်ကုန်သော ဗြဟ္မဒတ်မင်းတို့သည် ပဉ္စာလတိုင်းသူတို့၏ ရထားစီးချင်း မင်းထက်မင်းဖြစ်သော စူဠနီမင်း၏ သားတော်တို့ချည်းသာတည်း။
၃၇၇။ သင်သည် အလုံးစုံသော ဗြဟ္မဒတ်မင်းတို့၏ အစဉ်အဆက် မြတ်သောမိဖုရားကြီးအဖြစ်ကို ပြုစေခဲ့၏၊ သို့ဖြစ်လျက် အဘယ့်ကြောင့် ရှေးလင်ဟောင်းဖြစ်သော ဗြဟ္မဒတ်မင်းတို့ကို စွန့်လျက် နောက်ဖြစ်သော ဗြဟ္မဒတ်မင်းကို စွဲ၍ ပူဆွေးဘိသနည်း (ဟု ရသေ့ - က မေး၏)။
၃၇၈။ အရှင်ရသေ့ များစွာသော သံသရာ၌ မိန်းမအဖြစ်သို့ ရောက်သော အကျွန်ုပ်၏ မိဖုရားကြီးအဖြစ်ကို သင်ရသေ့သည် ပြောဟောဘိ၏၊ မိန်းမဖြစ်သော အကျွန်ုပ်၏ ခန္ဓာကိုယ်အတ္တဘော၌ ရှည်မြင့်စွာသော ကာလပတ်လုံး မိန်းမသာဖြစ်ပါသလော (ဟု ဥဗ္ဗရိက မေး၏)။
၃၇၉။ သင်သည် တရံတခါ မိန်းမဖြစ်ခဲ့ဘူး၏၊ တရံတခါ ယောက်ျားဖြစ်ခဲ့ဘူး၏၊ တိရစ္ဆာန်အဖြစ်သို့လည်း ရောက်ခဲ့ဘူး၏၊ ဤသို့လျှင် မိန်းမအဖြစ် ယောက်ျားအဖြစ် တိရစ္ဆာန်စသော အဖြစ်သို့ ရောက်ခဲ့ရသော သင်၏ လွန်ပြီးသော ဘ၀တို့ အပိုင်းအခြားသည် ပညာစက္ခုဖြင့် ကြည့်ရူသော်လည်း မတွေ့မမြင် မထင်နိုင်တော့ပေ (ဟု ရသေ့ - က ဖြေ၏)။
၃၈၀။ ထောပတ်ဖြင့် သွန်းလောင်းထားသည်ဖြစ်၍ ရဲရဲညီးညီး တောက်လောင်နေသော မီးကို ရေဖြင့် သွန်းလောင်းလိုက်ဘိသကဲ့သို့ ထို့အတူ သင်သည် သောကမီးတောက်လောင်နေသော အကျွန်ုပ်၏ ပူပန်မူအားလုံးကို ငြိမ်းအေးစေလေပြီတကား။
၃၈၁။ အရှင်ရသေ့သည် ပူဆွေးမူ “သောက”နှိပ်စက်နေသော အကျွန်ုပ်အား လင်ကြောင့်ဖြစ်သော ပူဆွေးမူ“သောက”ကို ပယ်ဖျောက်ပါပေ၏၊ အရှင်ရသေ့သည် အကျွန်ုပ်၏ နှလုံး၌မှီသော ပူဆွေးမူ “သောက”တည်းဟူသော ဆူးငြောင့်ကို နုတ်ပေပြီတကား။
၃၈၂။ အရှင်ရသေ့ ထိုအကျွန်ုပ်သည် ပူဆွေးမူ “သောက”ဟူသော ငြောင့်ကို နုတ်ပယ်ပြီးသူ ငြိမ်းချမ်းပြီးသူ ငြိမ်းအေးပြီးသူ ဖြစ်ပေတော့၏၊ အရှင်ရသေ့ အရှင်၏ တရားစကားကို ကြားနာရသောကြောင့် အကျွန်ုပ်သည် မပူဆွေးတော့ပါ၊ မငိုကြွေးတော့ပါ(ဟု ဥဗ္ဗရိ - က ပြော၏)။
၃၈၃။ ဥဗ္ဗရိမိဖုရားကြီးသည် ထိုရသေ့၏ ကောင်းစွာ ဟောအပ်သော ထိုတတရားစကားကို ကြားနာရသောကြောင့် သပိတ်သင်္ကန်းကို ယူလျက် ရသေ့ရန်းဘောင်သို့ ၀င်ခဲ့၏။
၃၈၄။ ထိုဥဗ္ဗရိမိဖုရားသည် အိပ်ရာတည်ထောင် လူ့ဘောင်မှ အိမ်ရာမထောင် ရသေ့ရဟန်းဘောင်သို့ ၀င်ရောက်ပြီးသော် ဗြဟ္မာ့ပြည်သို့ ရောက်ရန် မေတ္တာနှင့်တကွသော စိတ်ကို ပွါးများ၏။
၃၈၅။ တရွာမှ တရွာသို့၎င်း နိဂုမ်းတို့ကို၎င်း မင်းနေပြည်တို့သို့၎င်း လှည့်လည်လတ်သော် အကြင်ရွာ၌ သေ၏၊ ထိုရွာသည် ဥရုဝေဠမည်သော ရွာပင်တည်း။
၃၈၆။ ဗြဟ္မာ့ပြည်သို့ ရောက်ရန် မေတ္တာနှင့်တကွသော စိတ်ကို ပွါးများခြင်းကြောင့် မိန်းမအဖြစ်၌ တပ်စွဲသာယာသောစိတ်ကို ကင်းစေ၍ ဗြဟ္မာ့ပြည်သို့ ကပ်ရောက်လေ၏။
မှတ်ချက်။ ။ ပြည်ထောင်စု မြန်မာနိုင်ငံတော် အစိုးရ သာသနာရေးဝန်ကြီးဌာန ဆဋ္ဌသံဂါယနာတင် ပိဋကတ်တော် စာအုပ်မှ ထုတ်နုတ်ဖော်ပြထားသည်။
No comments:
Post a Comment