စိတ်ထဲရှိရာ စကားတိုထွာ

၁။ အာဖရိကနှင့် အာရေဗျ ဒေသတွင် တွေ့ရသည့် ငှက်ကုလားအုပ် (0strich) များသည် ရန်သူက လိုက်သည့် အခါများတွင် သဲထဲ၌ ဦးခေါင်းကို တိုးမြှုပ်ကာ ပုန်းအောင်းလေ့ရှိသည်ဟု ဆိုသည်။ မိမိက ရန်သူကို မမြင်ရလျှင် ရန်သူကလည်း မိမိကို မမြင်နိုင်ဟု ယူဆသည့် သဘောဖြစ်သည်။

လောက၌ ငှက်ကုလားအုပ်လို လုပ်တတ်သူတွေ အများအပြားရှိသည်။ ခက်ခက်ခဲခဲ ကိုင်တွယ်ဖြေရှင်းရမည့် ကိစ္စများပေါ်လာလျှင် ငှက်ကုလားအုတ်တွေ သဲထဲ ခေါင်းမြှုပ်နေသလို မမြင်အောင် မသိယောင်ဆောင်နေတတ်ကြတာဟာ ငှက်ကုလားအုပ်လိုလူမျိုး ဖြစ်သည်။


၂။ ဂရိဒဏ္ဍရီ၌ အစ်ကရပ်စ် (Icarus) အမည်ရှိ ပုဂ္ဂိုလ်တစ်ဦးရှိသည်။ သူသည် နေဆီသို့ ရောက်အောင် ကြိုးပမ်းသည့် ပုဂ္ဂိုလ်ထူး ဖြစ်သည်။ သို့သော်သူ၏ အတောင်ပံကို ဖယောင်းနှင့် ငှက်မွှေးတောင်များရောကပ်၍ ပြုလုပ်ထားခြင်းဖြစ်ရာ နေနှင့် နီးလာသည့်အခါ၌ ဖယောင်းတွေ အရည်ပျော်ကာ အောက်သို့ ပြုတ်ကျလေသည်။

စီးပွားရေးလုပ်ငန်း၌ အောင်မြင်မူရရန် ကြိုးပမ်းသူအချို့မှာ အစ်ကရပ်စ်နှင့် ဆင်တူကြသည်။ သူတို့သည် အလွန်ကြီးမားသော ရည်မှန်းချက်ကြီးတွေချမှတ်သည်။ သို့သော် ယင်းရည်မှန်းချက် အကောင်အထည်ဖော်ရန်အတွက် လက်တွေ့ကျသည့် လုပ်ငန်းအစီအစဉ်များကား ချမှတ်ထားခြင်းမရှိ။ တို့ကြောင့် ဖြစ်ချင်သည့်ဆန္ဒတစ်ခုတည်းနှင့် ရမ်း၍ စွန့်စားသည့်အခါ အောက်သို့ ခွေးကျကျသည့် ဒဏ်ကိုခံကြရတာဟာ သ အစ်ကရပ်စ် စိတ်ဓာတ်မျိုးရှိသူ ဖြစ်သည်။


၃။ နယူတန်ဟာ ပန်းသီးတစ်လုံး ပြုတ်ကျခြင်းကြောင့်သာ ကမ္ဘာ့ဆွဲအားနှင့် ပတ်သက်သည့် နိယာမကို စဉ်းစားမိခဲ့တာဖြစ်ပြီး၊ ဒေါ်လာသန်း ၂၀၀၀တန် စ်ိန်တစ်လုံးပြုတ်ကျခဲ့ပါလျှင် သူဋ္ဌေးတစ်ယောက်ပဲ ဖြစ်လာနိုင်၏။ ဒါမှမဟုတ် အုန်းသီးတစ်လုံး ခေါင်းပေါ်ပြုတ်ကျလာလျှင်တော့ သက်ရောက်မူတိုင်းဟာ တန်ပြန်တုံ့ပြန်မူ ရှိသည်ဆိုသော အဆိုကို တမလွန်ရောက်မှပင် စဉ်းစားနိုင်တော့မည်။


၎။ ကိုယ်ဘယ်လောက် သံယောဇဉ်ရှိတဲ့ လူဖြစ်ဖြစ် ကိုယ့်ရဲ့ခင်မင်မူကို အလေးမထားခဲ့ရင် ချက်ချင်း ဥပေက္ခာ ပြုလိုက်ပါ။ဘာလို့လဲဆိုတော့ လူတွေဟာ တစ်ချိန်ချိန်မှာ ခွဲခွာကြရမှာပဲ။ ရှင်ကွဲမဟုတ်ရင် သေကွဲပေါ့။ ဒါကြောင့်အသက်ရှင်နေခိုက်မှာ သူတစ်ပါးအပေါ် မိတ်ဆွေကောင်း ပီသရမယ်။ အသက်ရှင်နေတုန်းမှာ တန်ဖိုးထားမခင်ဘဲ သေမှ အော်ငိုနေရင် မသာနားညီးပါတယ်။


၅။ လူတစ်ယောက်ရဲ့ မျက်နှာပေါ်တွင် ၀မ်းနည်းဖို့အတွက် အကြောပေါင်း ၄၃ခု လူပ်ရတယ်၊ ရယ်မောပျော်ရွှင်ဖို့အတွက် ၁၇ ကြောပဲလူပ်ရပါတယ်။ လူတိုင်းကို အဲဒီ ၁၇ ကြောပဲလူပ်အောင် လုပ်ဖို့ဆိုတာ မလွယ်ကူလှပါဖူး။ ဒါကြောင့် လူတစ်ယောက်ကို ပြုံးနိုင်ရယ်နိုင်အောင် ထားနိုင်တဲ့ သူငယ်ချင်းမိတ်တွေကို သင်တန်ဖိုးထားသင့်ပါတယ်။ လူတစ်ယောက် ကိုယ့်ကြောင့် ပြုံးပျော်နေတာဟာ အင်မတန် ကုသိုလ်ရပါတယ်။


၆။ ကိုယ်က တစ်ယောက်ယောက်ကို ဒေါသထွက်နေပြီဆိုရင် ဘာမှ ပြုမူပြောဆိုခြင်းမရှိဘဲ စိတ်တည်ငြိမ်အေးချမ်းသွားအောင် ငြိမ်ငြိမ်လေး ထိုင်နေလိုက်တာဟာ အကောင်းဆုံးပါပဲမိတ်ဆွေ။ ဒါဆို နောင်တရစရာ အမှားတွေ ဖြစ်မလာနိုင်တော့ဘူးပေါ့။


၇။ ခန္ဓာငါးပါးတို့၏ အဖြစ်အပျက်ကို မရူမြင်ဘဲ အနှစ်တစ်ရာပတ်လုံး အသက်ရှည်ရခြင်းထက် ခန္ဓာငါးပါးတို့၏ အဖြစ်အပျက်ကို မပြတ်ရူမြင်သော ပုဂ္ဂိုလ်၏ တစ်ရက်မျှ အသက်ရှည်ရခြင်းက မြတ်၏။ ကိုယ့်အသက်ကိုယ် မြတ်သော အသက်ရှင်ခြင်းဖြင့် အသက်မွေးနိုင်အောင် ကြိုးစားကြရမယ်။


၈။ စိတ်ထဲမှာ နောက်ကျိရူပ်ထွေးနေတာပဲ မယ်သီလရှင်ဝတ်ရင်ဝတ် ဒါမှမဟုတ် Atom လေးတစ်ခုလို လွှင့်ပျောက်သွားရင် လည်းကောင်းမှာပဲ။ ဒီအကြံက ကောင်းမလိုနဲ့ ပိုဆိုးနေမှမှန်း ငါသိလိုက်တယ်။ ဒီလိုဆို လောကကြီးကို အရူံးပေးရာရောက်သွားမှာပေါ့။ လောကကြီးကို အရူံးပေးလို့ ဘယ်ဖြစ်မလဲ။ ငါ့ဘ၀မှာ ဘယ်တော့မှ မကျရူံးစေရဖူး ။ အားတင်းထားရမယ် ကြားရို့။