မြတ်ဗုဒ္ဓရဲ့ အဆုံးအမ လမ်းညွှန်ချက်များ

(၁) ဘ၀ချမ်းသာရေးမှာ စိတ်သာပဓာန၊ စိတ်ကောင်းနေရင် ချမ်းသာမယ်၊ စိတ်ဆိုးရင် ဆင်ရဲမယ်။

(၂) စစ်ပွဲတစ်ရာအောင်နိုင်တာထက် မိမိရဲ့စိတ်ကိုအောင်နိုင်တာက ပိုပြီး ကြီးကျယ်မြင့်မြတ်တယ်။

(၃) စိတ်ကိုအောင်နိုင်တယ်ဆိုတာ စိတ်ကို ဆိုးညစ်ယုတ်ညံ့အောင် ခြယ်လှယ်နေကြတဲ့ မောဟ၊ လောဘ၊ ဒေါသ စတဲ့ ကိလေသာများကို ပယ်သတ်နိုင်ခြင်းဖြစ်သည်။

(၄) ကိလေသာတွေဟာ စိတ်ကို ပူလောင် ပင်ပန်းဆင်းရဲစေကြတဲ့အတွက် ကိလေသာတွေယှဉ်တဲ့ အကုသိုလ်စိတ်ဖြစ်ရင် ဆင်းရဲမယ်။ ကုသိုလ်စိတ်ဖြစ်ရင် ကောင်းမြတ်တင့်တယ်တဲ့ စေတသိတ်တွေ ယှဉ်ကြတဲ့အတွက် ချမ်းသာမယ်။

(၅) “ယောနိသောမနသိကာရ”ဆိုတဲ့ သင့်တင့်လျောက်ပတ်အောင် နှလုံးသွင်းမှုရှိရင် ကုသိုလ်စိတ်တွေ ဖြစ်မယ်။ မရှိရင် အကုသိုလ်စိတ်တွေ ဖြစ်မယ်။

(၆) “အာဂမသုတ-အဓိဂမသုတ” ဆိုတဲ့ ပရိယတ်-ပဋိပတိ အသိပညာတွေ ဦးစီးမှု ယောနိသောမနသိကာရ ဖြစ်အောင် နှလုံးသွင်းနိုင်ပြီး တကယ်ချမ်းသာတဲ့ ဘ၀ကို ထူထောင်နိုင်လိမ့်မယ်။

(၇) ကာမဂုဏ်ဆိုတာ အာရုံငါးပါးပါပဲ။ အာရုံနဲ့ဒွါရ (မျက်စိ၊ နား၊ နှာ၊ လျှာ၊ ကိုယ်) တို့ ဆုံးတွေ့တဲ့အခါ “ သေယမနဿ သဟဂုတ်လောဘမှုစိတ်” ဖြစ်လို့ နှစ်သက်ခြင်း၊ ချမ်းသာခြင်း (ပီတိ-သောမနဿ) တို့ ဖြစ်ပေါ်တယ်။ ဒီနှစ်သက်ခြင်း ချမ်းသာခြင်းတို့ဟာ ကာမဂုဏ်ရဲ့ သာယာဖွယ်ဖြစ်တယ်။

(၈) ကာမဂုဏ် ချမ်းသာဟာ အပူလောင်ဆုံး မီးများ ဖြစ်ကြတဲ့ တဏှာရာဂ၊ ဒေါသ၊ မောဟ စသည်တို့ ယှဉ်စပ်နေကြတဲ့အတွက် ချမ်းသာအစစ် မဟုတ်ဘူး။ မိုးမျှော် ငရုတ်သီး စားရသလို အနူမီးကင်သလို ပူပူလောင်လောင် ချမ်းသာမမျှသာ ဖြစ်တယ်။

(၉) အာရုံငါးပါးဆိုတာ ရုပ်တရားတွေပဲ။ သက်မဲ့ရုပ်ဝတ္ထုအားလုံးနဲ့ သက်ရှိ သတ္တ၀ါအားလုံးဟာ မမြဲတဲ့ အနိစ္စတရား၊ ဆင်းရဲတဲ့ ဒုက္ခတရား၊ အစိုးမရ အနှစ်မပါတဲ့ အနတ္ထတရား၊ မတင့်တယ်တဲ့ အသုဘတရားတွေသာ ဖြစ်ကြတယ်။ မောဟက ဒီအမှန်သဘောတွေကို ဖုံးကွယ်ထားပြီး ပြောင်းပြန် အမှားသဘောတို့ကို သိမြင်စေတဲ့အတွက် တဏှာလောဘက ကာမဂုဏ်အာရုံတွေကို တပ်မက်တွယ်တာခြင်း ဖြစ်တယ်။

(၁၀) ကာမတရားတို့ဟာ (၁) အမဲရိုး၊ (၂) အသားတစ်၊ (၃) မြက်မီးရူးတိုင်၊ (၄) မီးကျီးခဲတွင်း၊ (၅) အိပ်မက်၊ (၆) အငှားပစ္စည်း၊ (၇) အသီးပြည့်တဲ့ အပင် အသီးသီးနဲ့ ပမာတူကြတယ်။ အနှစ်သာရ ကင်းပြီး ဆင်းရဲပင်ပန်းခြင်းကိုသာ ဖြစ်ပေါ်စေပါတယ်။

(၁၁) ကာမဂုဏ်အာရုံတို့မှာ လိုချင် တပ်မက်မှုမဖြစ်အောင် ဆုံးမခြင်း၊ လိုချင်တပ်မက်မှုကို ပယ်ဖြတ်ခြင်းဟာ ကာမဂုဏ်တို့မှ ထွက်မြောက်ရာ ဖြစ်တယ်။ ကာမဂုဏ်တို့မှ ထွက်မြောက်နိုင်မှသာလျှင် ဘ၀ချမ်းသာအစစ်ကို ရနိုင်မယ်။

(၁၂) ရုပ်နာမ်တို့ရဲ့ အစုအဝေးများ ဖြစ်ကြတဲ့ သက်ရှိ-သက်မဲ့ အရာအားလုံးဟာ ဆင်းရဲခြင်း အမုန်းတရား - ဒုက္ခသစ္စာ ဖြစ်တယ်။ ဆင်းရဲခြင်းကို ဖြစ်စေတဲ့အကြောင်းရင်း အမှန်တရား - သမုဒယ သစ္စာက တဏှာလောဘ ဖြစ်တယ်။

(၁၃) တဏှာလောဘနဲ့တကွ ကိလေသာတရား အားလုံးဟာ ဆင်းရဲပင်ပန်းခြင်းကို ဖြစ်ပေါ်စေကြတဲ့အတွက် ကိလေသာတရားတို့ကို ပယ်သတ်ရေးသည်သာ ဘ၀ချမ်းသာရေး အစစ်အမှန် ဖြစ်ပေတယ်။ ကာမဂုဏ်ခံစားခြင်းဟာ ကိလေသာ ပွားစီးရေးဖြစ်လို့ ဘ၀ဆင်းရဲရေး လမ်းစဉ်ဖြစ်ပေတယ်။

(၁၄) ဘ၀ချမ်းသာရေးအစစ်အမှန်ကို လိုချင်ရင် သူတော်ကောင်းကို ဆည်းကပ်၊ သူတော်ကောင်း တရားကို နာကြားလေ့လာ၊ နိဗ္ဗာန်နဲ့ ဆီလျော်တဲ့ တရားအကျင့်ကို ကျင့်သုံးရမယ်။ ဒါန၊ သီလ၊ ဘာဝနာတို့ကို အဆင့်ဆင့် တိုးမြှင့်ပြီး ကျင့်သုံးရမယ်။

(၁၅) သမထ-၀ိပဿနာ ဘာဝနာ ရူပွားလို့ ရုပ်တရား နာမ်တရား၊ အကြောင်းတရား၊ အကျိုးတရားတို့၌ အနိစ္စ၊ ဒုက္ခ၊ အနတ္တ၊ အသုဘ သဘောမှန်တို့ကို ထင်ထင်ရှားရှား ထိုးထွင်း မြင်သိလာတဲ့အခါ မောဟမျက်နှာဖုံး ကွာကျပြီး သစ္စာလေးပါ ပေါ်လွင်ထင်ရှားလာလို့ အမြင့်မြတ်ဆုံး ဘ၀ချမ်းသာဖြစ်တဲ့ နိဗ္ဗာန်ချမ်းသာကို ကိုယ်တိုင်ကိုယ်ကျ မျက်မှောက်ပြုရပါတော့တယ်။

အထက်ဖော်ပြပါ အချက်(၁၅) ချက်ဟာ မြတ်ဗုဒ္ဓဟောကြားခဲ့တဲ့ လမ်းညွှန်အဆုံးအမများသာ ဖြစ်ပါတယ်။

မှတ်ချက်။ ။ ပြည်ထောင်စု မြန်မာနိုင်ငံတော် အစိုးရ သာသနာရေးဝန်ကြီးဌာန ဗုဒ္ဓဘာသာ တရားတော် အခြေံခံအဆင့် စာအုပ်မှ ထုတ်နုတ်ဖော်ပြထားသည်။