ရဟန်းတို့ ! သူတော်မဟုတ်သူတို့၏ ပေးလှူပုံ ၅-မျိုးမှာ -
၁။ မရိုမသေ ပေးလှူသည်။
(လှူဖွယ် ၀တ္ထုကို ကောင်းမွန်သန့်ရှင်း အပြစ်ကင်းအောင် မပြုလုပ်ဘဲ ၀ါ-အလှူခံကို ရိုသေသမူ ကောင်းစွာ မပြုဘဲ ပေးလှူသည်။)
၂။ မလေးမစား ပေးလှူသည်။
(လှူဖွယ်ဝတ္ထုနှင့် အလှူခံတို့၌ လေးစားသမူ စိတ်၌ မပြုဘဲ ၀ါ-ချီးမွမ်း အံ့သြဖွယ်ဖြစ်အောင် မပြုလုပ်ဘဲ ပေးလှူသည်။)
၃။ မိမိလက်ဖြင့် ကိုယ်တိုင် မပေးလှူ။
၎။ စွန့်ပစ်သကဲ့သို့ ပေးလှူသည်။
၅။ ဒါန၏ အကျိုးသက်ရောက်လိမ့်မည်ဟု အယူမရှိဘဲ ပေးလှူသည်။ (အကျိုးကို မယုံကြည်ဘဲ ပေးလှူသည်။)
သူတော်ကောင်းတို့၏ ပေးလှူပုံ ၅-မျိုးမှာ -
၁။ ရိုသေစွာ ပေးလှူသည်။
၂။ လေးလေးစားစား ပေးလှူသည်။
၃။ မိမိလက်ဖြင့် ကိုယ်တိုင် ပေးလှူသည်။
၎။ စွန့်ပစ်သကဲ့သို့ မပေးလှူ။
၅။ အကျိုးသက်ရောက်လိမ့်မည်ဟု အယူရှိလျက် ပေးလှူသည်။ (အကျိုးကို ယုံကြည်၍ ပေးလှူသည်)
ဆောင် - မရိုသေငြား၊ မလေးစား လှူ၊ မလှူ ကိုယ်တိုင်၊ တစ်စိုင် စွန့်ပစ်၊ ကျိုးဖြစ် မယုံ၊ ဤငါးစုံ၊ မှတ်တုံ အသပ္ပုရိသ ဒါန။
သတ္တမသုတ် ပြီး၏။
No comments:
Post a Comment