၆။ အာနန္ဒသုတ်

မြတ်စွာဘုရား ကောသမ္ဗီပြည် ယောသိတာရုံကျောင်း၌ သီတင်းသုံး နေတော်မူစဉ် အရှင်အာနန္ဒာသည် မြတ်စွာဘုရားထံ ချဉ်းကပ်ရှိခိုးပြီး သင့်တင့်သော နေရာ၌ ထိုင်နေလျက် မြတ်စွာဘုရားကို ဤသို့ လျှောက်သည် -

“အရှင်ဘုရား ! အဘယ်သို့နေသည်ရှိသော် ရဟန်းသည် သံဃာ၌ ချမ်းသာစွာ နေရသည် မည်ပါသနည်း။?

“အာနန္ဒာ ! ရဟန်းသည် -

၁။ မိမိက သီလနှင့် ပြည့်စုံသူ၍ သူတစ်ပါးကိုလည်း လွန်မြတ်သော သီလကြောင့် မကဲ့ရဲ့တတ်။

ထို့ပြင် -

၂။ မိမိကိုယ်ကိုသာ အဖန်ဖန် ရူလေ့ရှိသည်၊ သူတစ်ပါးကိုမူ ရူလေ့မရှိ။

၃။ ဘုန်းကံပါးရှား မထင်ရှားသော်လည်း မပူပန် မတောင့်တ။

၎။ ရူပါဝေစရဈာန် ၄-ပါးကို အလိုရှိတိုင်း ရနိုင်သည်။

၅။ အာသဝေါကင်းကွာ ရန္တာဖြစ်သွားသည်။

(၄၊၅-ကို ထေရ၀ဂ်၊ သီလ၀န္တသုတ်အတိုင်း အကျယ်သိပါ)

ဤ ရဟန္တာအဖြစ်ထက် သာလွန်ထူးမြတ်သော အခြား ချမ်းသာစွာ နေရခြင်းမျိုးကား မရှိတော့ပြီ။”

ဆောင် - သီလကြောင့်ကား၊ သူတပါးကို၊ မဆို ကဲ့ရဲ့၊ ရူတဲ့ ပုဂ္ဂိုလ်၊ သူ့ကို မရူငြား၊ မထင်ရှားကြောင့်၊ စိုးနောင့် မပြု၊ ဈာန်လေးခုရ၊ ဖြစ်ထ ရဟန္တာ၊ ဤငါးဖြာ၊ ချမ်းသာ နေရကြောင်း။

မှတ်ချက် - ဤသုတ်၌ ရဟန္တာပုဂ္ဂိုလ်ကို ဟောလိုိရင်းဖြစ်သည်။

ဆဋ္ဌသုတ် ပြီး၏။