ရုပ်ခန္ဓာက သူ့ချည်းသက်သက်နဲ့ ဝေဒနာကို ခံစားနိုင်တာ မဟုတ်ပါဘူး။ အသက်မရှိတော့ဘဲ ခန္ဓာကိုယ်အသေကောင်းကြီးမှာလည်း ရုပ်ကလာပ်စည်းတွေက ဖြစ်ပျက်ဖြစ်ပျက်နေကြတာပါပဲ။ ဒါပေမယ့် မခံစားနိုင်တော့ပါဘူး။ စိတ်ကမှ မရှိတော့ဘဲကိုး။ စိတ်က အသက်ရှိတဲ့ ကိုယ်ခန္ဓာအစိတ်အပိုင်းနဲ့တွေ့ထိ ဆက်သွယ်မိတဲ့အခါကျတော့ စိတ်က ကိုယ်ပေါ်မှာပေါ်နေတဲ့ ဝေဒနာကို သိရှိခံစားနိုင်တာ ဖြစ်ပါတယ်။
စိတ်အကြောင်းပြောတုန်းက စိတ်မှာ အပိုင်းကြီး ၄-ပိုင်းဖြစ်တဲ့ နာမ်ခန္ဓာ ၄-ပါးဖြစ်တဲ့ ၀ိညာဏ်၊ သညာ၊ ဝေဒနာ၊ သင်္ခါရတို့ရှိကြရမှာ သိရုံမျှသာကို သိမူ၊ အမှတ်ရနေမူ၊ တွေ့ရှိခံစားမူနဲ့ တုံ့ပြန်မူတို့ ဖြစ်ကြပါတယ်။ ခန္ဓာကိုယ်ပေါ်က ဝေဒနာတွေဟာ စိတ်ရဲ့ ထိခိုက်မူတွေဖြစ်တဲ့ ဒုတိယပိုင်းနဲ့ ခံစားကြရခြင်း ဖြစ်ပါတယ်။ ကိုယ်ပေါ်မှာ ပေါ်နေတဲ့ ဝေဒနာကို စိတ်ကသိပြီး ခံစားရတာဖြစ်ပါတယ်။ ဒါကြောင့် ကိုယ်ခန္ဓာနဲ့ စိတ်ခန္ဓာ ၂-မျိုးကို ပေါင်းစပ်ထားရတဲ့ ရုပ်နာမ်တရားဆိုတာ ဖြစ်လာပါတယ်။
ယောဂီများအတွက် ဆရာကြီးဦးဂိုအင်ကာ၏ အင်္ဂလိပ်ဘာသာဖြင့် ဟောပြောချက်ကို ကြည်ကြည်ဝိန် မြန်မာဘာသာပြန် စာအုပ်မှ ပြန်လည် ဖော်ပြထားသည်။
ယောဂီများအတွက် ဆရာကြီးဦးဂိုအင်ကာ၏ အင်္ဂလိပ်ဘာသာဖြင့် ဟောပြောချက်ကို ကြည်ကြည်ဝိန် မြန်မာဘာသာပြန် စာအုပ်မှ ပြန်လည် ဖော်ပြထားသည်။
No comments:
Post a Comment